شمشاد عمرشينواری

له دې ځايه واورئ!

کله چې په دغه توازن کې ستونزه رامنځته شي ، دځينوخلکو دزړه بدوالي لامل کيږي. دکابل د ابن سيناروغتون ډاکترمحمدرحمن رحيمي وايی:

"دسفرپه مهال په موټر کې کانګې کول دبدن داوبودکموالي اودوينې دفشار دټيټوالي لامل کيږي او کيدای شي انسان دشوک له حالت سره هم مخ کړي."

ددې کار لامل ځينې خلك د تيلو بوی او د سګرټو لوګی بولي. د كابل په ميوند رو غتو ن كې ډاكټره، انجيلا آرين ، وايي :

" په موټر كي د ازادې هوا نشتوالی او په خامه سړک د موټروتګ هم دا ستونزه پيداکولای شي."

د ننګرهار ولايت اوسيدونكی، شيرخان ،په موټر كې د كانګو د مخنيوي په خاطر خپلو ماشومانو ته يوه يوه کاچوغه پطرول ورکوي.

ډاكټران د تېلو خوړل په كلكه ردوي او وايي چې تيل كيمياوي مواد دي ، د انسان پر سږو، معده ، ځيګر، كولمو او د ماغ بده اغېزه لري.

	دسفرپه مهال کانګې کول دبدن داوبودکموالي اودوينې دفشار دټيټوالي لامل کيږي

ډاكټره آرين وايي چې داسې کسان دې د موټر نه ليرې ځای ته ګوري، هڅه دې وكړي چې ويده شي اويا دې دډاکترپه مشوره دوا واخلي.

د سفر په مهال مناسب خوراك ، له ځان سره دتازه ميوې ، اوبو، ليمو او ژاولو درلودل تر ډېره بريده ددې ستونزې په كموالي كې مرسته کوي.