شمشاد عمرشينواري

له دې ځايه واوری!

كه چېرې ماشوم تر ډيره وخته لوند پاتي شي ، تناسلي غړي او ورنونه يې لګيږي.

پدې حالت کې لګېدلی ځای په سخت ټپ بدل، ماشوم ته نارامتياپيدا کوي او د درد او ژړا له امله دمور شيدې هم نه شي خوړلای.

دكابل اوسيدونكې، نجيبي ، وويل چې كله يې د ماشوم تناسلي غړي او ورنونه ولګيږي په لګيدلي ځای خاوره اچوي او له راز،راز خوړو پرهيز كوي.

ډاكټران خاوره دمکروبونو لرونکي بولي او وايي چې لګېدل شوی ځای مکروبي کوي او وروسته دا مکروب د ماشوم بدن ته لارپيدا کوي.

دا کارد نورو ناروغيودپيداکېدو لامل کيږي خود ماشوم لګيدل د مور په پرهيز پوري هيڅ اړه نلري ، مور كولاي شي هر ډول خواړه وخوري.

	كه چېرې ماشوم تر ډيره وخته لوند پاتي شي، تناسلي غړي او ورنونه يې لګيږي.

ددې ناروغۍ د مخنيوي په اړه د كابل درابعې بلخي روغتون ډاكټره ، مريم ،وايي :

"دماشوم لتې بايد ژر، ژر بدلې شي او په پاكو مينځل شوو نازکو ټوټو وتړل شي."

د ماشوم دلوندېدو په صورت کې دې دهغه بدن پاك ومينځل شي او هره ورځ دې دلږ وخت لپاره لمرته واچول شي.