شمشاد عمر شينواری

	که عمليات شوې ميرمن خپل ټپ ته سمه پاملرنه ونه کړي، ټپ ته يې مکروبي کيږي.

له دې ځايه واورئ!

وروسته دغه مکروب وينې ته ورګډ او انسان ته ځينې وخت سختې روغتيايي ستونزې پيداکوي چې حتی د مرګ سبب يې هم کيږي.

شکيبا، د کا بل د خيرخانې اوسيدونکې ،چي په ماشوم عمليات شوې ، ټپ ته يي لمر نه ورکاوه ،زخم يې چرک پيدا اوډېره ورسره په عذاب شوه .

ډاکټران وايي هغه ميرمنې چې کمخوني ولري او عمليات شي، ټپ يې ژر نه جوړيږي، ځکه په کمخونۍ کې ټپ ته پوره اندازه وينه نه رسيږي.

دا راز مېرمنې د تازه ترکارۍ لکه پالکو، تازه ميوو ، غوښې ، شيدو او مستو په خوړلو کولاي شي خپله کمخوني له مينځه يوسي.

عمليات شوې ميرمن دې دروند کار نه کوي اوټپ دې پاک وسا تي.

يوشمېر ميرمنې له عمليات وروسته له ځينو خوړو پرهيز کوي، ډاکټران داکار ردوي او وايي چې عمليات شوې ميرمن بايد هر ډول ښه خواړه وخوري.

داډول ميرمنې دې درانه کارونه نه کوي ، نخي جامې دې واغوندي ،ټپ دې پاک وسا تي اوهره ورځ دې يوه اندازه لمر ورکړي.