رفيع الله نيازی

له دې ځايه واورئ!

يوې مېرمنې وويل: " ماشومه مې لۀ پنځه کلنۍ وروسته کمزورې شوې، داعصابو دوا ورکوو، د ليونيانوپه څېر خاندي".

داچې ماشومانو ته ولې دا ناروغي پيدا کېږي، پۀ کابل کې د رواني روغتون ډاکټر فريد احمد انوري وويل:

"ارثي لاملونه ، د ولادت پۀ مهال ستونزې ، دماشوم ضربه لېدل ، پۀ مناسب ځای کې ولادت نه کول او انتانات هم ددې لامل ګرځي ".

ډاکټران وايي هغه ماشومان چې ذهني کمزوری لري د هډونو د نرموالي ستونزه هم لري، سمې خبرې نشي کولای اوپه لاره دتګ شيمه هم نۀ لري .

	د ولادت پۀ مهال ستونزې اوپۀ مناسب ځای کې ولادت نه کول هم دماشوم ذهن کمزوری کوي.

پۀ کابل کې د افغان روغتون ډاکټر عليشا برنا وويل:"په بدن کې دويټامين D او کلسيم کموالی ددې ناروغۍ دپيداکېدو لامل کيدای شي.

دماشوم ذهنی کمزوري ددې لامل ګرځي، چې پۀ لاسونو، پښو، سينه او د بدن نورو برخو کې کوږوالی رامنځته شي".

هغه ماشوما ن ، چې دغه ستونزه لري کلسيم لرونکي خواړه اومېوې دې وخوري او تر څنګ يې د کورنۍ شفقت، رحم او زړۀ سوي ته بې کچې اړتيا لري.