رفيع الله نيازی

له دې ځايه واورئ !

دغصې د پيدا کېدو يو لامل کم خوني وي. يوه ميرمن ،راحله، وايي:" محر قه کې کم خونه شوم، سر راباندې ګرځېدۀ، ژړا راباندې بده لګېده".

پۀ ښخو کې د کم خونۍ او عصبا نيت د اړيکو پۀ اړه دوزيراکبرخان روغتون يوډاکتر نقيب الله اواب، وايي:

" مېرمنې په مياشتني عادت او داولاد په زېږون کې وينه ضايع کوي ، او ماشوم ته پۀ شيدو ورکولو هم کم خونه کېږي او د بدن اوسپنه کميږي.

کله چې مغز او د بدن نورو برخو ته په پوره ډول اکسيجن او وينه ونۀ رسيږي ، عصبانيت ورته پيداکېږي".

يوشمېر مېرمنې د کم خوني لپاره مميز او کښته لمدوي؛ انځر او خرما پۀ شېدو کې ايشو ي، زردالو خوري ، ځيګر او ترکاري کاروي.

	دملي سرخک، کاهو، پالک، اونورو ترکاريو خوړل دکم خونۍ او عصبانيت لپاره ګټور دي.

ډاکټراواب د مېرمنو تجربې غوره وګڼلې او زياته يې کړه:

" د کم خوني د مخنيوي لپاره داوسپنې لرونکو ميوو لکه مڼې ، کېلې، زردالو، مميز او خرما خوړل اړين دي.

ددې ترڅنګ د ملي سرخک، کاهو، پالک، نوش پياز او داسې نورو ترکاريو خوړل هم دکم خونۍ او عصبانيت په مخنيوي کې ګټور دي."