سياتيک (رګ النسا) د بدن تر ټولو اوږد رګ يا عصب دی چې له ملا شروع او د پښو تر ګوتو غزيږي. که د دې رګ په يوه برخه زور راشي درد تر پايه احساسيدای شي. خو دا درد ولي پيداکيږي او د دې درد تشديدونکي عوامل څه دي؟ د ولي په نوم يو تن وايي: " ما څاه کيندله، ناڅاپه مې په ملا کې درد پيدا شو اواوس سياتيکي دردونه لرم. " د غزني د ولايت يوه اوسيدونکې بخت بي بي بيا وايي چې دې ته د سياتيک دردونه له عصبي ناروغۍ وروسته پيداشول. د ډاکټرانو په وينا د ملا د مريو( مهرو ) په منځ کې يو ډول مواد دي چې ډسک ورته وايي. دا مواد د وخت په تيريدو او يا هم د شديدي ضربې له امله کمزوري کيږي، سولول کيږي او له مينځه ځي . د دغو موادو په سوليدو سره د ملا مرۍ نږدې کيږي، د سياتيک عصب تر فشار لاندې راځي او انسان ته دا ناروغي پيداکوي.  | | | دسياتيک دردونه په هغوبرخوکې ډېر وي چېرته چې عصب ترډېرفشارلاندې وي. |
د دې درد توپير د ملا له نورو دردونو څخه دا دی چې درد له ملا څخه نيولې ان د پښو تر پنجو پورې رسيږي. د وزير محمد اکبرخان د روغتون د فيزيوتراپي دبرخې يو ډاکټر ګل احمد طاهري وايي: " دا ډول ناروغان بايد د درد ځای ته د کنګل(يخ) او تودو اوبو ماساژ ورکړي ، له درندو کارونو دې ډډه وکړي او آرام کول ورته ضروري دي." | 
له دې ځايه واورئ !
د آبادۍ غږ : د پوليسو ګزمه 