رفيع الله نيازی

له دې ځايه واورئ!

ځينې خلک ايډز له نامشروع اړيکو پيدا کېدونکې بولي، خودا ناروغي د لېږد نورې لارې هم لري.

په دې کې يوه هم له يوه سرنج يا پيچکارۍ نه ګډ کاراخيستل دي. دل آغا، چې د هجرت پر مهال په نشه ای توکو روږدی شوی ، وايي:

" ډيری روږدي کسان په ډله ييزه توګه نشه ای مواد په يوه پيچکارۍ کې اچوي او ځانونو ته يې پېچکاري کوي. "

ډاکتران وايي چې پيچکاری تړلې هوا لری، له همدی امله د ايډز وايروس تر ډيره ژوندی پکې پاتې کيدای شي.

کله چې دا پيچکاري بيا ډکه شي، د دې امکان شته چې ژوندی وايرس د وينې له لارې روغو کسانو ته ولېږدي.

	ايډز له ګډې ستنې ياپېچکارۍ له لارې له ناروغ نه روغ کس ته لېږدي.

دعامي روغتيا وزارت سلاکار، ډاکتر عبدالله فهيم وايي:

" خلک بايد له يوځل مصرفه پيچکاريو کار واخلي، خو که ډېراړ وي، کولای شي پيچکاري او ستن يې تر نيم ساعت پورې په اوبو کې واېشوي.

استعمال شوې پيچکاری دی له ماشومانو لري وساتي، يا دې وسوځول شي او يا دې هم تر خاورو لاندي شي."

که چېرې دډاکترانولارښوونې عملي کړو، هم به مو خپل ځانونه له ايډز ساتلي وي او هم به مو له تور ژيړي او ځينو نورو خطرناکوناروغيو مخنيوی کړی وي.