‌طوبی ندا صافۍ

	پوليوواکسين پنځه دورې لري چې بايدتطبيق شي ځکه ماشومان له هرډول ناوغيو ژغوري.

له دې ځايه واورئ!

د عامې روغتيا وزارت د چارواکو په حواله تېر کال د ګوزڼ ١٧ پېښې او سږ کال ١٣ پېښې ثبت شوې چې ډېری يې د هلمند او کندهار له ولايتونو دې.

مېرمن افغاني د پغمان د ولسوالۍ اوسېدونکې د خپلې ٥ کلنې لور په اړه وايې :

" زما د لور ښی اړخ ګوزڼ وهلی او فلج شوی ، سمه په لاره نه شي تلی او خبرې هم سمې نه کوي.

هغې ته مې د پوليو واکسين نه وو کړی ځکه دا مې لومړی ماشوم و ،په دې نه پوهېدم چې واکسين کول د ماشومانو لپاره ضرور دی ."

په دې اړه ډاکټر يوسف وايې : " ماشوم په سمه توګه په لاره نه شي تلی ، غاړه يې شخه پاتې کېږي ، ساه يې بندېږي ، له سترګو او پزې يې اوبه راځي ."

د ګوزڼ مکرو ب د هوا له لارې او همداراز په مکروب ککړو ترکاريو او ناپاکه اوبو له لارې هم د ماشوم وجود ته لار مومي .

	دفلج د ناروغۍ اصلي لامل يو ډول مکروب دی چې له بېلابېلو لارو د انسان وجود ته لار مومي.

ډاکټران وايې چې ځينې وخت د ګوزڼ مکروب ډېره موده په ستونې او کولمو کې پاتې کېږي . که چېرې د وجود مقاومت لوړ وي پخپله له مېنځه ځي.

که دوجود مقاومت ټيټ وي مکروب وده کوي او ناروغ په ګوزڼ اخته کيږي .

د پوليوواکسين پنځه دورې لري چې بايدتطبيق شي ځکه داکار د ماشومانو د وجود مقاومت لوړوي او له هرډول ناوغيويې ژغوري.