رفيع الله نيازی

له دې ځايه واورئ!

که غصه لۀ عادي حالت نه ډېره او مخنيوی يې ونۀ شي ،ستونزې پيدا کوي چې د پيد ا کېدو لاملونه يې بايد پيدا شي.

د وزبر اکبرخان روغتون ډاکټر، عبدالاحد قريشي، وويل:

" عصبانيت بېلابېل لاملونه لري چې يويې هم کم خوني ده چې انسان ته خواشيني او روحي ناروغۍ پيدا کوي اوبيا پۀ عصبانيت بدلېږي".

پۀ مېرمنو کې د عصبانيت کمولو پۀ اړه پخپله خلک هم ځينې تجربې لري ، د باګرام د ده مسکين اوسېدونکي نوروزخان وويل:

"بايد دغسې ناروغ ارام او خوښ وساتو، ماشومان ترې لرې کړو او خبرې ورسره لاندې باندې نه کړو".

	کم خوني انسان ته خواشيني او روحي ناروغۍ پيدا کوي چې بيا پۀ عصبانيت بدلېږي

د همدغې سيمې يوې مېرمن، امنې وويل:" که يو چاته غوصه ورځي بايدغلی شي يا لۀ کووره ووځي ."

د اسلام پۀ مبارک دين کې هم د عصبانيت د مخنيو ي په اړه يې يادونه شوېده، يو دينې عالم مولوي حزب الله پۀ دې اړه وويل:

" که چاته غوصه ورشي بايد کيني يا ولاړ شي، يا اوبۀ وڅښي او اودس وکړي ، ځکه شيطان لۀ اور نه جوړ دی او اور اوبۀ لۀ مينځه وړي".