دکال په بېلابېلوموسونوکې څاروي دراز،رازناروغيوسره مخ کيږي چې يوه يې هم اسهال( ريخک) دی چې څاروي د مرګ له ګواښ سره هم مخ کوي . دشکر درې يو مالدار،خان محمد وايې: "دمالونو اسهالا ت دهغوی شېدې کموي ، بدن يې کمزوری کوي او د مرګ سبب يې هم کيږي ." اسهالا ت بېلا بېل عوامل لري لکه دپسرلي په موسم کې دکوچنيو راشنو شوو واښو سره دخاورو خوړل ، ډېره ډوډۍ او د حبوباتو خوړل . دميدا ن ښار دکرنې درياست مرستيال، ډاکتر سيدکريم روحاني په څارويو کې داسهالا تود عوامل داسې بيانوي: "د ډنډونو خړې اوبه ، دناپاکو سبزيجاتو،په پسرلي کې دکوچنيو راشنو شوو واښو سره دخاورو خوړل ، ډېره ډوډۍ اوځينې نور." ددې ناروغۍ ددرملنې لپاره خلک څارويوته تور چای ، هګۍ ،غوړي او ډېرې اوبه ورکوی."  | | | د رود غاړو او ډنډونو خړې اوبه او د ناپاکو سبزيجاتو خوړل د څارويو د اسهالاتو لامل کيږي. |
ددې ناروغۍ نه د مخنيوي لپاره ځيني مالداران څارويوته مستياره ، زرنه اوتمباکو ور کوي . ډاکتر سيدکرېم روحاني د کورنۍ درملنو په اړه وايې : "څارويو ته په خپل سر درمل ور کول دنورو ناروغيو لامل کيږي . په ځانګړې توګه تمباکو ورکول څارويوته عصبي ناروغۍ پيدا کوي . دې ډول مالونو ته مالګينې اوبه ورکول ډېرې ګټورې دي. " | 
له دې ځايه واوری!
د آبادۍ غږ : د پوليسو ګزمه 