شنه واښه د څارويو له پاره ګټه لري، خو کله کله يې د ټنډيدو(بادنيونی )لامل هم ګرځي. دا چې څاروي ولي ټنډيږي،د څارويو ډاکټر ، سيد کريم وايي: "کله چې څاروي دپرخې ( شبنم ) لرونکي واښه وخوري،د ټنډيدو خطر يې ډير دی. " په دې برخه کې مالداران کومې تجربې لري؟ د غزني ولايت د قره باغ ولسوالۍ يو مالدار، محمد عمر وايي: " داسې څاروي ته موږ پيپسي ورکووښه کيږي. " د همدغه ولايت يو بل اوسيدونکی ، سردارولي وايي: "د څاروي کيڼ لور ته څلورمه پښتۍ په يوه چاقو وهو ، باد خارجيږي اوڅاروی جوړيږي." د چاريکارو اوسيدونکی غلام غوث وايي: "کله چې کوم مال ټنډ شي، په خوله کې يې وچ مرچ ور اچوو، هقه پرنجی کوي او باد يې خارجيږي."  | | | کله چې څاروي دپرخې ( شبنم ) لرونکي واښه وخوري،د ټنډيدو خطر يې ډير دی. |
د بګرام اوسيدونکی، شاه سعيد، بيا غواوو ته د شړشمو د تيلو ورکول ګټور ګڼي ،خو د څارويو ډاکټر سيد کريم وايي: "په يادوو شويو تجربو کې د پيپسي او د ولې ( بېد) د ونې د پاڼو ورکول اوهم د پښتۍ پورتنۍ برخه سوری کول ګټور دي. سوری بايد تر پنځو سانتي ژور نه وي . ټپ بايد په يوه پاکه ټوټه وتړل شي او د مچانواو نورو حشراتو لري وساتل شي. " | 
له دې ځايه واورئ!
د آبادۍ غږ : د پوليسو ګزمه 