سيدمصطفی حماس

له دې ځايه واورئ!

ښه باغداري يو لړ تجربو او خواريو ته اړتيا لري چې په هغو کې شاخبري او ونو ته سره ورکول دي.

د ميدان وردګو ولايت د جلريز ولسوالي يو باغوان، محمدعارف وايي:

موږ د تجربې له مخې هغه ښاخونه پرې کوو چې ناروغي ولري، پر نورو ښاخونو يې سيوری کړی وي، کاږه وي، نوي را شنه شوي وي اويا مات وي.

وروسته له ښاخبري، پر پرې شوي ځای خاوره يا رنګ اچوو، چې له ميکروب او د لمر له مستقيمو وړانګويې وساتي.

په دې برخه کې د افغانستان دکرني په وزارت کي دباغدارۍ د برخې يو کارپوه ، هدايت الله عمر خيل وايي :

شاخبري ونه قوي کوي، ميوه هم غټوي، خو په پرې شوي ځای د روغني رنګ اچول ونه دخاورې له وايروسونوساتي.

ځينې باغوانان د مڼو ونو ته کيمياوي سره ورکوي ، دا کار هم يو لړ تجربو ته اړتيا لري ، محمد عارف وايي:

	ښه باغداري يو لړ تجربو او خواريو ته اړتيا لري چې په هغو کې شاخبري او ونو ته سره ورکول دي.

موږ توره سره يواځي په مني کې مڼو ته ورکوو او سپينه سره بيا په پسرلي کې درې وخته د مڼو تر ونو لاندي اچوو او وروسته يې اوبه کوو.

د مڼو ونو ته د کيمياوي سرې د ورکولو په اړه دکرني کارپوه هدايت الله عمرخيل وايي:

لومړی بايد باغ اوبه شي ، وروسته سپينه سره له وترې خاورې سره ګډ ه شي اوڅه موده دپرېښودل شي بيادې اوبه ورکړل شي.