سيدمصطفی حماس

له دې ځايه واورئ!

کله کله دلاروبندېدل دلويو پيښو لکه ديوه ناروغ مړينه ، يخ وهلو ، اوهم دلويدلو له امله دلاس اوپښي ماتيدلو لامل هم ګرځي .

لارې او کوڅی خلک په بيلابېلو ډولونو پاکوي. دميدان وردګو ولايت د دايمرداد ولسوالۍ د دورانيو دکلي ا وسيدونکي غلام محمود وايي :

" زمو نږ په کلي کي هرڅوک دخپل کور مخه اوکوڅه په خپله پاکوي چې جومات ، ګودر بمبې ، اويا دوکان ته لارپيدا شي. "

دخوست ولايت ددرګۍ ولسوالي يو تن اوسيدونکي جمال تڼی بياوايي : " زمونږ دکلي مشران په زلميانوغږ کوي چې دکلي لاري اوکوڅي پاکې کړي."

د دايکندي ولايت دشهرستان ولسوالۍ يوتن اوسيدونکي انجينر عارف وايي:

	د ناوړو پېښو د مخنيوی لپاره په ژمي کې بايد خپلې لارې او کوڅې له واورو پاکې وساتو.

" مونږ په کلي انکشافي شورا لرو ، دکلي او کورپه کچه دلارو اوکوڅو پاکول دهمدې شورا دنده ده چې پلان ورته جوړ او عملي يې کړي."

دوردګو دسيدآباد ولسوالي دشنيز ددرې يوتن اوسيدونکي الله محمد وايي : " کله چې واورې ډېرې زياتې شي ، دعمومي اشر له مخې لارې پرانيزو."

دافغانستان دعلومو اکاډمي داسلامي علومو دمرکز يوغړي سيد حبيب شاکر بيا په ټولنيزوکارونو کې ونډه اخيستل دعبادت يوه برخه بولي.