 | | | په هغو ځايونوکې چې دبرېښنا مزي نه وي پوښل شوي، خپل ماشومان نېږدې مه ور پرېږدئ. |
په ښارونو کې خلک له برقي وسايلو سره ډير سروکار لري، خو که احتياط ورسره ونه شي، ستونزې او خطرونه پيدا کوي. د برقي وسايلو سره بې احتياطي کله ناکله د انسان د مړينې سبب هم ګرځي، د کابل ښار يوه اوسيدونکې فريده وايي: "د ترور لورمې په ماشين کې کالي مينځل، خبره نه وه چې د ماشين د برق لاين لوڅ و، برق ونيوله او مړه شوه. " په ډيرو کورونو کې د برق ساکټونه دومره ټيټ وي چې واړه ماشومان د برق نيونې له خطر سره مخامخ کوي. د کابل ښار يوه اوسيدونکې مريم وايي: " لمسي مې يو ميخ پيدا کړی و، موږ نه و خبر، ميخ د برق ساکټ ته ننه ايستی و، هماغه و چې برق ونيو. " ددې ډول پېښو د مخنيوي د لارو په اړه د کابل بريښنا رياست يو کارکونکی ،انجنير خان مير، وايي: |  پوښ لرونکي ساکټونه او اتومات فيوز ونه د برق نيونې خطر کمولی شي.  |
" له پوښ لرونکوساکټونو او اتومات فيوز ونو کاراخيستل د برق نيونې خطر کمولی شي. " د مريم په نوم يوه ميرمن وايي: "کله چې زما لمسی برق ونيوله ،له هغه وروسته مود يوه برقي په مرسته د کور ټول ساکټونه دومره د لوړ نصب کړل چې د ماشومانو لاس نه ور رسيږي. " | 
له دې ځايه واورئ!
د آبادۍ غږ : د پوليسو ګزمه 