د کرکټ نړېواله شورا يا ICC په 1909 زېږديز کال په لندن کې د انګلينډ، استراليا او جنوبي افريقې د هېوادونو د استازو په ګډون جوړه شوه. لومړنی نوم يې د کرکټ شهنشاهي کنفرانس و، وروسته د کرکټ نړېوال کنفرانس شو اوپه پای کې يې نوم د کرکټ نړېواله شورا شوه. دا چې افغانستان کله د کرکټ د نړېوالې شورا غړی شو، دافغانستان د کرکټ بورډ مشر الله داد نوري وويل: " مونږ لومړی نژدې دولس ديارلس کاله وړاندې د کرکټ لوبه پۀ خپل هېواد کې رسمي کړه. بيا مو ټول اسناد د کرکټ نړېوالې شورا ته واستول. کله چې هغوئ په 2001 کال کې دپاکستان هېوادکې زمونږ لوبه وليده ،په خپلې شورا کې يې و منلو" د کرکټ نړېواله شورا له هغو هېوادونو سره ، چې د کرکټ لوبې پکې نوې ترسره کېږي ، مرسته کوي چی د کرکټ د پرمختګ لپاره زمينه برابره کړي.  | | | افغانستان په ٢٠٠١ عيسوي کال کې دکرکټ دنړيوالې شورا غړيتوب تر لاسه کړ. |
خو د کرکټ د نړېوالې شورا د بېلګې نه زمونږ کليوال خلک د خپلې سيمې د پرمختګ لپاره څه زده کولای شي؟ نورعلم فريد وويل: " زمونږ کليوال کولای شي په هغو برخو کې چې ددوئ په سيمه کې يې ښه امکانات وي لکه د کرنې، مالدارۍ او نورو برخو کې همدا سې شورا ګانې جوړې کړي. د يو کس خبرو ته خلک دومره غوږ نه نيسي لکه د شورا خبرو ته چې يې نيسي ځکه چې هغه د خلکو ټولګه ده." | 
له دې ځايه واورئ!
د آبادۍ غږ : د پوليسو ګزمه 