 | | | | | | | |||||||||||||||||||||||||||||||||||||||||||||||||||||||||||||||||||||||||||||||||||||||||||||||
| | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
د ابادۍ غږ: د ګلابو کښت | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
يو شمېر افغان بزګران لږي ځمکې لري، چې ددوی اړتياوې نه پوره کوي. نو لۀ همدي امله تل پۀ دې هڅه کې وي، داسي څۀ وکري چې، لږه خواري او لګښت وغواړي اوډېره ګټه ترې واخلي. د نورستان ولايت يوتن بزګر زمان خان وويل:" سيمه مو غرنۍ ده، ځمکې کمې لرو، غواړو داسې کرنيز توکي وکرو، چې ښۀ ګټه وټه ترې واخلو." خوتاسو کله پۀ خپلو ځمکو کې داسې څۀ کرلي دي، چې لۀ لږې ځمکې مو ډېر حاصلات ترلاسه کړي وي؟ د ننګرهارد دره نور ولسوالۍ اوسېدنکي حبيب الرحمان وويل:" ما پۀ دوه جريبه ځمکه کې ګلاب وکرل، يو کال مې پرې ښه خواري وکړه، اوس يې حاصل ټولوم يو کيلو ګلاب پۀ ( ٤٥ ) افغانۍ پرکار خانې والا باندي پلورم،
تېر کال مې لۀ يو جريب پټي نه ( ٩٠٠ )کيلو ګلاب پلورلي وو،( ٤٠ ٤٥) افغانۍ کټه مې ترې اخېستې وه دا بوټي نه ډېره خواري غواړي او نه هم زحمت. موږ پۀ خپلوځمکوکې نور کرنيز توکې لکه: الوګان، پياز او د څارويو لپاره شفتله هم کرو." خو دا چې داڅۀ ډول دګلاب بوټي دي او بزګران ترې څۀ ډول ګټه وټه تر لاسه کوي، پۀ ننګرهار ولايت کې د کرنيزوچارويو تن کارپوه محمد اکبر مومند وويل: " دا د ګلاب غرني وحشي بوټي دي، لۀ ګل نه يي اوبۀ ( عرق ) اوتېل ويستل کېږي. نۀ ډېره خواري غواړي او نه هم ډېرې اوبۀ، د بزګرانو لپاره دګټې ښه سرچينه ده. ځکه چې کارخانې والا لۀ بزګرانو نه ګلاب اخلي، په ماشينونوترې تېل و باسي بيايې بازار کې پلوري ." کرنيز ( زراعتي ) کار پوهان پۀ دي ګروهه ( عقيده ) دي چې، که بزګران پۀ خپلو ځمکو کې د ګلاب پۀ څېر کرنيز بوټي وکري، نو پرته له ډېرې خوارۍ به ښه کټه تر لاسه کړي.
  |
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
خپرونه له دې ځايه واورئ !
د آبادۍ غږ : د پوليسو ګزمه 