مير عالم ستانکزی

	دکارکسب زده کړه انسانان له محتاجۍ او بل ته له لاس اوږدولوژغوری،کسبګر نه بېکاره کيږي.

خپرونه له دې ځايه واورئ !

يوشمېر دغه ډول خلک د( ډايا ګ ) لۀ پروګرام سره بې وسلې شول،دوی ګيلې ماڼۍ کوي چې ګواکې له دغه کار سره بېکاره شوي.د زابل ولايت اوسيدونکي عبدالولي وويل :

" وسله مې د ډاياګ پروګرام ته تسليم کړه، دولت راسره مرسته ونه کړه، زه نه زده کړه لرم او نه مې هم کوم کسب ياد دی اوس بېکاره ګرځم."

د کندز ولايت اوسيدونکي دل اغا وويل: " نۀ پيسې لرم او نۀ ځمکه ،چې خپل ځان لپاره دکوم کار کسب غم وخورم حيران يم چې څه وکړم."

د پنجشېر ولايت يوۀ اوسېدونکي وويل:" وسله مې دولت ته ورکړه خو نن له بيکارې ګدايي کوم ."

بې وسلې کېدل اوکارموندنه  خلک پۀ لږو پيسو هم يو کارکولی شي، او کورنۍ کولاى شي خپلودوستانو سره پۀ کار موندنه کې مرسته وکړي.

خو ځينې د دوي توانېدلي چې په يوه نۀ يوه برخه کې ځانته کار کسب پيدا او خپل ژوند پر مخ بوځي.د کابل ولايت يومعيوب اوسيدونکي عزم الدين وويل:

" پخوامې کله هم کار نۀ وکړی او تجربه او پيسې مې هم نه درلوې، نه مې غوښتل چې د چا پوروړی هم شم ، هماغه وه چې يو ورځ مې د موټر مينځلو کارپيل کړ.

د خداي شکر دی لۀ خپل کار نه خوښ يم او هېڅ ستونزه نلرم، خلکو سره ښه رويه کوم، موټرې يې ښي مينځم، لۀ همدي امله موټروانان ما ته ډېر راځې.

ستاسو پۀ دوستانو او کورنۍ کې داسې څوک شته چې وسله يې حکومت يا (ډاياګ) ته سپارلې وي او تاسې ورسره پۀ کارموندنه کې مرسته کړې وي ؟

	دخلکو موټرې مينخم ، د خداي شکر دی يوه مړۍ ډوډۍ هم پيداکوم او لۀ خپل کار نه هم خوښ يم

د کابل ولايت اوسيدونکي حاجې رسول وويل:" ما مې خپل ورور ته نانوايي جوړه کړ،ورته مې وويل:

" د ګټې پيسې به دري برخې کوو يوه برخه به ستا وي بله به دشاګردانواو درېيمه برخه به ټولوو چې پردوکان لګيدلی مصرف پوره کړو ،

کله چې دا لکښت پوره شو بيا به زما پيسې راکړي ورور مې ومنله اوس يې کاروبار جوړ دي."

خلک کولاى شي چې پۀ لږو پيسو هم يو کار روان کړي ، همدا رنګه کورنۍ کولاى شي چې خپلودوستانو سره پۀ کار موندنه کې مرسته وکړي، چې بېکاره پاتې نه شي.