فرشته مرسل

ستاسې ايميلونه

زده کړه او تعليم د ډيرو ستونزو مخه نيسي

خپرونه له دې ځايه واوری!

اوس چې پسرلي نږدې دی، په سړو سيمو کې به د ښونځيو دروازې پرانستل شي او زده کونکي به يو نوی تعليمي کال پيل کړي.

خو په افغانستان کې داسې کورنۍ ډيرې دي چې نجونو ته د زده کړي اجازه نه ورکوي. بي بي ګله همداسې يوه ميرمن ده. دا وايي:

" زما کورنۍ ښوونځی ته تګ بد ګاڼه او نه يې غوښتل چې جينکۍ درس ووايې،

ځکه ما هم ښونځی نه دی لوستی او اوس له سواد څخه محرومه يم.

يوه ورځ مې خپل زوی د واکسين لپاره کلنيک ته بيولای و .

د هغه د واکسين د کارت پر ځای مې د لور کارت راسره وړی و ، ډيره ستړي شوم او بيرته راغلم .

زما کورنۍ زده کړه راباندي وکړه او ګټه يې داده چې اوس کولای شم خپلو ماشومانو ته ليک، لوست ور وښايم . ميرمن شکريه

د مور او پلار ليک مې چې راشي، نه يې شم لوستلای او په بل چايې لولم.

که سواد مې درلودی نو داسې به نه کيدل ".

ځينې خلک بيا واِيي چې ښونځی ليري دی، نو له همدې امله نه غواړي چې لوڼې يې ښونځي ته لاړې شي ، خو دا ستونزه دهواري لارې چارې لري .

په دې اړه د ميدان ښار يوه اوسيدونکې قندي ګله وايي :

"له موږ څخه ښونځی ليرې دی. ځکه مې د کور يوه کوټه د کلي نجونو ته خلاصه کړه. اوس د کلي ډيرې نجوني زموږ په کور کې درس وايي.

نجونې هم بايد په دې هڅه کې وي چې ځانونو ته د زده کړو زمينه برابره کړي او هغوی ته قناعت ورکړي چې د دوی د زده کړو مخه نيسي."

خو زده کړه او تعليم د نجونو په ژوند کې څه اغيزه لري؟ ميرمن شکريه په دې اړه وايي :

" زما کورنۍ زده کړه راباندي وکړه او ګټه يې داده چې اوس کولای شم خپلو ماشومانو ته ليک، لوست ور وښايم ."

	حضرت محمد(ص(فرمايي :د علم زده کړه په هر مسلمان نارينه اومسلماني ښځې فرض ده .

خو د اسلام له نظره د ښځو زدکړو ته په کومه سترګه کتل کيږي؟

دل اغا د حضرت محمد (ص) د يوه مبارک حديث يادونه کوي:

"د علم زده کړه په هر مسلمان نارينه اومسلماني ښځې فرض ده ."

زده کړه د ميرمنو لپاره ډيره ګټه لري.

د علم له برکته کولای شي چې د خپل ځان او د خپلې کورنۍ د ښې راتلونکې په اړه فکر وکړي .

عبدالغياص او عبدالغفران - قيبرس
د يوې ښې کورنۍ د جوړولو لپاره ښځه بايد چې زده کړې ولري.

محمد فضل (بغلان) - انگليستان
سلام! کله چې زه وړوکى وم نو پلار مې ماته وويل چې ښوونځي ته مځه کار وکړه، زما ژوند ډير سخت و. پلار مې خور ته وويل که ښوونځي ته تللې وې وژنم دې خو زمونږ مور په دې خوښه وه چې زدکړې تر سره کړو . ژوند ډير سخت و. زه ايران ته لاړم او يو کال وروسته انگليستان ته راغلم. زه ١٥ کلن وم چې راغلم او اوس ١٧ کلن يم. په دې دوو کلونو کې مې زدکړې وکړې ددې زده کړو له کبله زه ځان ډير ډاډه احساسوم . زما هيله دا ده چې د زده کړو څخه خپل اولاد مه منع کوئ ځکه چې د افغانستان د بيا رغونې لپاره زده کړې د ښځو او نارينو لپاره ډيرې مهمې دي.

سور گل پښتون - لندن
زما په فکر دا ډيره مهمه ده چې مونږ بايد دا ومنو چې زمونږ ټولنه او دغه هيواد ميرمنو او د هغۍ زده کړو ته ضرورت لري. په نړۍ کې هيڅ کوم يو هيواد بې له ميرمنو خپلو پرمختياو ته نه دى رسيدلى. په مننه!

کلاب جان - کابل
سلام! مونږ وينو چې حکومت تر اوسه د نارينو لپاره د زده کړو لارې چارې نه لرې نو د ميرمنو لپاره به يي څنگه برابرې کړي. په دې برخه کې بايد حکومت مرسته وکړئ.

حميدالله حميد
نن افغانستان د نادانۍ له وجه ډير ځوريږې. زمونږ د سواد سطحه ډير ټيټه ده او راتلونکى ژوند مو د نويو ټيکنالوژيانو په خپلولو پورې تړلى دى کوم چې صرف او صرف د زده کړې له لارې تر لاسه کيدلى شي. بله دا چې د افغانستان د لوړو زده کړو اسانتياوې هم د قناعت وړ نه دي.

زه د خپلو ټولو افغانانو خويندو او ورونو څخه هيله کوم چې زده کړې تر سره کړي ځکه چې زده کړه د راتلونکى ژوند د روښانه کولو يواځنۍ لاره ده او دا يواځې په نارينه نه کيږي دا د ښځو او نارينو په گډو هڅو سره کيږي ځکه چې يوه با سواده مور خپل اولاد په ډير ښه توگه سره تربيه کولى شي.