Navantia a' gluasad air adhart leis a' phlana leasachaidh aca aig Àranais

Neach-obrach ann an ÀranaisSANDIE NICÌOMHAIR

Bidhear a' togail phìoban ann an aon togalach agus a' glanadh 's a' peantadh meatailte san fhear eile

Tha a' chompanaidh Spàinnteach, Navantia, a' sireadh cead airson dà thogalach ùr aig Gàrradh Àranais mar phàirt den phlana aca suas ri £5m a chosg air ùrachadh na làraich.

Tha Navantia - a ghabh smachd air a' ghàrradh air iomall Steòrnabhaigh san Fhaoilleach 2025 - a' moladh bùth-obrach phìoban sam bi 1,464 meatair ceàrnagach, agus togalach sam bi 3,160 meatair ceàrnagach far am bidhear a' glanadh agus a' peantadh meatailte.

Bhiodh an dà thogalach air an dealbh air dhòigh gus an gabh obair dèanamh annta an là 's a dh'oidhche.

Thathar cuideachd airson uachdar nas cruaidhe a chur air an làraich air fad, geataichean ùra a chur ann agus stòir-chonnaidh a leasachadh.

Tuilleadh air an sgeulachd seo