टेस्ला तब्बल 11 लाख गाड्या माघारी बोलावणार, कारण...
फोटो स्रोत, Getty Images
- Author, शिओना मॅकॉलम
- Role, टेक्नॉलॉजी रिपोर्टर
टेस्ला कंपनीने अमेरिकेतील जवळपास 11 लाख गाड्या माघारी बोलवल्या आहेत. याचं कारण गाडीच्या काचा खूप वेगाने बंद होतायत आणि यात लोकांची बोटं सापडण्याची शक्यता आहे.
अमेरिकन रेग्युलेशन्सने एका रिपोर्टमध्ये असं म्हटलंय की, गाड्यांच्या काचा नीट बंद होत नाहीयेत.
त्याचप्रमाणे अमेरिकेतील नॅशनल हायवे ट्रॅफिक सेफ्टी अॅडमिनिस्ट्रेशनच्या मते, असा एरर म्हणजे सुरक्षा-मानकांचं उल्लंघन आहे.
या अडचणीवर तोडगा काढण्यासाठी सॉफ्टवेअर अपडेट करू, असं टेस्ला कंपनीने म्हटलंय.
याआधी अशाच विविध कारणांमुळे टेस्लाच्या गाड्या परत बोलवण्यात आल्या होत्या.
- रिअर - व्ह्यू कॅमेरा
- बॉनेट लॅचेस
- सीट बेल्ट रिमाईंडर
- साउंड - सिस्टीम सॉफ्टवेअर
अमेरिकन रेग्युलेशन्स रिपोर्टमध्ये गाड्या परत बोलवल्या यासाठी "रिकॉल" हा शब्द वापरलाय.
यावर टेस्लाचे चीफ एक्झिक्युटिव्ह एलोन मस्क यांनी आक्षेप घेतलाय. त्यांनी ट्वीट करत म्हटलंय की, "ही टर्मिनॉलॉजी चुकीची आणि कालबाह्य झालीय. आणि गाड्यांमध्ये जो एरर आलाय तो एक लहानसा ओव्हर-द-एअर सॉफ्टवेअर अपडेट आहे. आमच्या माहितीनुसार तरी यातून कोणालाही दुखापत झालेली नाही."
ज्या गाड्या माघारी बोलवण्यात आल्यात त्यात टेस्लाचे चारही मॉडेल्स आहेत. यात 2017-22 दरम्यानची सेदान वर्गातील मॉडेल 3, 2020-21 या वर्षातील Y SUV मॉडेल (स्पोर्ट्स युटिलिटी व्हेईकल), S सेदान मॉडेल आणि X SUV मॉडेल यांचा समावेश आहे.
टेस्लाच्या गाड्यांमध्ये ऑटोमॅटिक विंडो आहे. या विंडो लगेच बंद होतात हा एरर खरंतर ऑगस्टमध्ये टेस्टिंग करताना आढळला.
आता ज्यांच्याकडे या मॉडेलच्या कार्स आहेत त्यांना 15 नोव्हेंबरपासून कंपनीद्वारे पत्र पाठवण्यात येतील.
कंपनीने आपल्या परिपत्रकात म्हटलंय की 13 सप्टेंबर नंतर ज्या गाड्यांचं प्रॉडक्शन झालंय त्यांच्यात या इश्यूशी संबंधित सॉफ्टवेअर अपडेट देण्यात आलं आहे.
तसंच त्या परिपत्रकात कंपनीने पुढं म्हटलंय की, रिकॉलशी संबंधित जे वॉरंटी, क्रॅश, दुखापती किंवा मृत्यूचे दावे केले जात आहेत त्याबद्दल कंपनीकडे कोणतीही माहिती नाही.
हे वाचलं का?
या लेखात सोशल मीडियावरील वेबसाईट्सवरचा मजकुराचा समावेश आहे. कुठलाही मजकूर अपलोड करण्यापूर्वी आम्ही तुमची परवानगी विचारतो. कारण संबंधित वेबसाईट कुकीज तसंच अन्य तंत्रज्ञान वापरतं. तुम्ही स्वीकारण्यापूर्वी सोशल मीडिया वेबसाईट्सची कुकीज तसंच गोपनीयतेसंदर्भातील धोरण वाचू शकता. हा मजकूर पाहण्यासाठी 'स्वीकारा आणि पुढे सुरू ठेवा'.
YouTube पोस्ट समाप्त
(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.
बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.
'गोष्ट दुनियेची', 'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)
