धर्मगुरूचं उपवासाचं आवाहन जीवावर बेतलं, उपासमारीनं 21 जणांचा मृत्यू

केनियाच्या मालिंदी गावात 21 मृतदेह सापडले आहेत. एका धर्मगुरूने त्यांना अन्नत्याग करण्याचा सल्ला दिला होता. त्यात त्यांचा मृत्यू झाला.

यात अनेक लहान मुलाचा समावेश आहे. आणखी काही मृतदेह मिळण्याची शक्यता असल्याचं पोलिसांचं म्हणणं आहे.

या प्रकरणी धर्मगुरू पॉल मॅकेन्झी ठेंगे यांना अटक करण्यात आली असून त्यांना कोर्टात सादर केलं जाणार आहे.

मॅकनेन्झी यांनी त्यांच्यावरील आरोपांचा इन्कार केला आहे. तरीही त्यांना जामीन देण्यात आलेला नाही. त्यांनी चर्च 2019 मध्येच बंद केल्याचा दावा केला आहे.

येशुला भेटण्यासाठी भक्तांनी उपाशी रहावं असा कथित सल्ला त्यांनी दिल्याचा आरोप आहे.

केनियन वृत्तपत्र The Standard ने दिलेल्या माहितीनुसार पॅथॉलॉजिस्ट मृतदेहाचे DNA सँपल्स घेऊन त्यांचा मृत्यू खरंच भूकेने झाला आहे का, याची चाचपणी करणार आहे.

भूकेमुळे चार लोकांचा मृत्यू झाल्याच्या संशयावरून पोलिसांनी मॅकेन्झी यांना अटक केली होती.

मालिंदी सोशल जस्टिस सेंटर ने सिटीझन टीव्हीला सांगितलं, “जेव्हा आम्ही जंगलात असतो आणि एक मोठा क्रॉस आम्हाला दिसतो, तेव्हा आम्हाला कळतं की पाच लोकांचा इथे पुरण्यात आलं आहे.”

धर्मगुरूने तीन खेड्यांचं नाव नाझारेथ, बेथेलम आणि ज्युडिया ठेवलं. शिष्यांना दीक्षा दिली आणि त्यांना उपास करायला सांगितलं.

केनिया हा धार्मिक देश आहे. गेल्या काही काळात अशा आव्हानांना बळी पडण्याच्या अनेक घटना झाल्या आहेत.

हेही वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता. 'गोष्ट दुनियेची', 'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)