Chioma Davido ewepụchaala ọtụtụ foto Davido n'igwe Instagram ya

Ọ bụ etu a ka BBC Igbo si wee hụ ya mgbe ha gara n'igwe Instagram Chioma enyi nwaanyị Davido.

A hụrụ na nwaada Igbo a e ji eme ọnụ ewepụchala ọtụtụ foto Davido n'igwe Instagram ya dịka anyị hụrụ ebe a.

Naanị foto ọ hapụrụ n'akara ya bụ foto ebe Davido ku nwa ha nwoke bụ Ifeanyi nakwa ụfọdụ ndi ọzọ ha sere dịka ha nọ n'ebe oriri.

Nke na-abịa dịka kepkepu fegharịrị na-ebo ebubo na Davido na-ayị Mya Yafai bụbu enyinwaanyị otiegwu rap mba Amerika a ma dịka 'Young Ma.'

Ị ma onye Chioma Davido bụ...?

Ị ma ihe mere ndị mmadụ ji hụ Chioma n'anya?Chioma Avril Rowland bụ onye ndị mmadụ matara site na ọyị ya na otiegwu a ma ama bụ Davido na-ayị.

Ha abụọ malitere ịyị onwe ha mgbe ha zutere na Mahadum mana ugbua, ọ fọziri obere ka ha bụrụ di na nwunye.

N'afọ 2019, Davido depụtara na ọ gaala hụ ezinaụlọ Chiome nke Bekee kpọrọ "Introduction".

Mana ewezụga Davido, ị ma na o nwere ụfọdụ ihe ị maghị maka Chioma?Lee ya ebe a

1. Chioma bụ osinri kajara akaja nke mere na "Chef chi" a na-etu ya abụghị na nkịtị.

Ị chọọ ịma maọbụ eziokwu gaa na peeji Instagram ya @Thechefchi

2. Ọ gụrụ akwụkwọ na Mahadum Babcock nke dị n'Ogun steeti ebe ọ gụrụ "Economics"

Ọ bụkwa ebe ahu ka o zutere Davido na-agụ "Music" n'otu mahadum ahụ kwa.

3. Chioma, nne ya na nna ya nakwa ụmụnwanne ya bụ ndị Imo steeti.

Ha ncha bụkwa ndị ụka "Seventh Day Adventist"

4 O nweghi onye ma oke ihe maka ezinaụlọ ya mana o nwere otu nwanne ya nwaanyị a na-akpọ Jennifer na-akwa akwa.

5. Chioma mụọrọ Davido nwa nke atọ ya na nwa nwoke mbụ n'ọnwa Ọktoba afọ 2019.

Ha gụrụ nwa ahụ David Ifeanyi Adeleke. Nke a mere ka ufọdụ mmadụ na-akpọ Chioma "Mama Ifeanyi".

6. N'ụbọchị 27 nke ọnwa Maaachị afọ 2020, Davido kwuru na Chioma butere ọrịa Coronavirus.

Akụkọ a pụtara ihe dịka ha si njem mba Amerịka bata Naịjirịa.

Mana n'ụbọchị 19 nke ọnwa Eprelu, Davido depụtakwara na ọ gbakeela n'ọrịa ahụ.

Akụkọ ndị ga-masị gị: