Lagos: Fayose nwere ihe mberede okporoụzọ na 3rd Mainland Bridge

5 Disemba 2018

Akụkọ dị mkpa

Fayose nwere ihe mberede okporoụzọ

Ayo Fayose — Nkọwa foto, E meriri onye osote Gọvanọ Fayose bụ Kolapo Olusola-Eleka na ntuliaka gọvanọ e mere n'Ekiti na nso nso a.

Akụkọ na-eru Igbo ntị ugbua na-ekwu na Gọvanọ ochie ndị Ekiti steeti bụ Ayodele Fayose nwere ihe mberede okporoụzọ na akwammiri nke atọ dị na Legos n'ihihie Wenezde.

Odeakwụkwọ mgbasa ozi ya bụ Lere Olayinka depere nke a n'akara Twitter ya.

Nkọwa foto, Gabriel Onyewife na-anọchite anya Oyi/Ayamelum dị n'Anambra Steeti n'ụlọomeiwu nke nta

Onye na-anọchite mpaghara Oyi/Ayamelum dị n'Anambra Steeti n'ụlọomeiwu nta bụ Gabriel Onyewinfe agbarala APGA ụgbọ nwamkpi, ma banye PDP.

Onyeisi ụlọomeiwu bụ Yakubu Dogara gbara ama nke a oge ọ gụpụtara akwụkwọ ozi nke Onyewinfe detara n' ụbọchị Wenezde.

Nwaanyị nwụrụ n'aka di ya

Nkọwa foto, Jessica Patel bụ onye na-akụ ọkwụ bekee

N'ofesi, otu nwoke ahịgbuola nwunye ya maka na ọ chọrọ ka ya na nwoke ibe ya biriwazịa ka di na nwunye.

Skip Akachasị Gụọ and continue reading

Akachasị Gụọ

End of Akachasị Gụọ

Mitesh Patel gbara afọ iri atọ n'asaa (37) ga-aga nga afọ iri atọ maka igbu nwunye ya bụ Jessica dịka ọkaikpe Justice Goss si kpebie.

N'egwuruegwu,

James Tarkowski nke Burnley — Nkọwa foto, James Tarkowski gbara bọọlụ ikpeazụ ya na ụbọchị atọ nke Nọvemba 2018

N'egwuruegwu, Burnley na Liverpool ga-ezute n'Elekere asaa an mmede a ebe Everton na Newcastle ga-akwatakwa otu mgbe ahụ na Goodison Park.

N'aka ọzọ, Man. U na Arsenal ga-akwakọrịta mpi n'Elekere asatọ an Old Trafford.

Gee nkeji mmgbede ebe a

Aha nkeananụānụ, Akụkọ ga-amasị gị ị ga-achọ ikọ taa niile

Buhari na ụmụaka Chibok

Onyeisiala Muhammadu Buhari na ibe ya nke Swiss bụ Alain Berset, ezutela na Katowice dị na Poland ebe ha kpara maka ụzọ ọhụrụ ha ga-esi wee gbapụta ụmụakwụkwọ Chibok ka fọrọ n'aka ndị ntọ ha.

Ha zukọrọ ka e mechara ọgbakọ UN gbasara ihu eligwe nke a kpọrọ "COP24".

Elrufai akatọọla Atiku

Aka na-achị steeti Kaduna bụ Nasir el-Rufai, ekwuola na pati PDP gara bite igwe mmadụ n'obodo Niger ka ha bịara achụmnta vootu ha mere n'ụbọchị atọ nke Disemba, 2018.

Mana ọnụ na-ekwuchitere PDP bụ Kola Ologbondiyan, kwuru na Elrufai ekwuputela etu pati APC si akwado ịtụbụta ndị mba ofesi na ntuliaka 2019.

N'egwuregwu,

Onyeisi otu egwuregwu bọọlụ Manchester City bụ Pep Guardiola ekwuola na etu otu ya si merie n'ikpeazụ dịka otu Watford nyechara otu ọkpụ goolu ebe ha agbatabeghi nke ọbụla, mgbe ha ka na-asọmpi ụnyaahụ (Disemba 4, 2018) gosiri na ị kwesighị izu ike n'asọmpi Premier League.

Mmeri a buliri Mancity n'elu tebulu Premier League dịka ha chịtarala pọịntị ise .

N'ofesi,