Amaju Pinnick 'azọkarala nsị aboki' dịka ụlọikpe sị ka anwụchie ndị NFF?
Ebe foto si, Getty Images
Ụlọikpe ukwu dị n'Abuja enyeela iwu akpọrọ "Bench Warrant" na Bekee banyere ikpe metụtara onyeisi otu na-ahụ maka egwuregwu bọọlụ na Naịjirịa bụ Amaju Pinnick na mmadụ anọ ọzọ.
Ọkaikpe Ijeoma Ojukwu nyere iwu a maka na ndị a abịaghị ụlọikpe ịzara ọnụ ha maka ịgbari ego ndị Nigerian Football Federation (NFF).
Ndị e nyere iwu ka anwụchie gụnyere odeakwụkwọ NFF bụ Sunusi Mohammed; osote onyeisi NFF nke mbụ bụ Seyi Akinwumi;
Ndị ọzọ bụ osote onyeisi nke abụọ bụ Shehu Dikko na onye ọzọ bụ Yusuff Fresh.
Mmadụ nille a kpọrọ aha abịaghị ụlọikpe n'ụbọchị Monde nke ọkaiwu na-ama ha ikpe bụ Celcius Ukpong ji sị ka anwụchie ha bụ nke ọkaikpe nyere ikike a.
Gọọmentị etiti site na ndị ọrụ ọtawaike na-ahụ maka iweghachị akụnaụba gọọmentị gbara ndị ọrụ NFF akwụkwọ n'ụlọikpe maka ịgbari ego dị nde dọla 8.4.
Ozi NFF zitere BBC na-akọwa na-ọkaikpe gụpụrụ Maazị Pinnick n'atụmatụ, ma kwukwa na NFF ewegarala arịrịọ ga-aka Ọkaikpe inke Naịjirịa ka o tinye ọnu n'okwu a, ọkachasị maka Pinnick na ndị ọzọ n'ọrụ ọha n'Ijipt.
Akụkọ ga-amasị gị:
