Liberia akpọpụtala Joseph Boakai dịka onyeisiala ọhụrụ

Nkọwa foto, Liberia akpọpụtala Joseph Boaki dịka onyeisiala ọhụrụ

10 Ọktọba 2023

Mgbe ikpeazụ e tinyere ya ozi ọhụrụ 22 Jenụwarị 2024

Liberia akpọpụtala Joseph Boakai dịka onyeisiala ọhụrụ mba ha, nke a na-eme n’ụbọchị Monde.

Boakai gbara afọ iri asaa na itolu, ji obere ihe merịe onye chịbụrụ Liberia bụ George Weah n’ntụrịaka emere n’Nọvemba 2023.

Boakai ga abụ onyeisiala Liberia kachasị mee ọkenye, ọ ga achị ha afọ isii.

Onyeisiala mba Liberia bụ George Weah akpọọla onye ya na ya zọrọ ya bụ ọkwa na ntuliaka bụ Joseph Boakai ma kelee ya maka imeri ya bụ ntuliaka.

N'ozi o gbasara dịka ngụko ntuliaka na-apịachi o sị "ndị Liberia ekwuola okwu, anyị anụla olu ha."

Boakai ji vootu ruru 28,00 nọrọ n'ọkwa mbụ na ntuliaka ahụ dịka o fọro obere ka agụchaa vootu niile.

Onyeisiala Weah nọ n'ọkwa ahụ kemgbe afọ 2018. Ọ ga-enyefe ọchịchị n'ọnwa Jenụwarị afọ 2024.

Mgbe ọ banyere n'ọchịchị ndị mmadụ, ọ kachasị ndị ntorọbịa na-atụ anya na ọ ga-eme ebumnuche ha, ọ bụkwa Boakai ka o meriri.

Skip Akachasị Gụọ and continue reading

Akachasị Gụọ

End of Akachasị Gụọ

Mana ugbua ndị mmadụ kwenyere na ọ dara n'ịlụso mpụ ọgụ maọbụ zọọ akụnaụba obodo ha.

A malitere ntuliaka pụrụiche bụ 'run-off' mgbe o doro anya na o nweghi onye n'ime mmadụ abụọ ahụ bụ Boakai na Weah nwetara ihe karịrị pasentị 50 na ntuliaika dịka iwu ala ha si nye.

Na ntuliaka ahụ, Weah nọ n'ihu dịka o ji vootu 7,000 gafee Boakai ebe mmadụ iri na asatọ ndị ọzọ so zọ ya bụ ọkwa.

Nke a bụ ntuliaka kachaa dị mkpa kemgbe alụchara agha imeụlọ na mba ahụ.

Boakai na-ekwu na ọ ga-azọpụta mba ahụ n'ọchịchị ọjọọ bụ ihe ọ kpọrọ ọchịchị Weah.

Ụmụafọ Liberia apụtawala ịtụ vootu na ntuliaka onyeisiala nke onye ọgbaboolu a ma ama bụ George Weah, nwere ohere ịlaghachi azụ nke ugboro abụọ ya.

Onye kachasị nwe agba na ndị ya na Weah gbara afọ 57 na-azọ ọkwa ahụ bụ Joseph Boakai, agbara 78, bụ onye bụbụ Osote Onyeisiala.

N'ozi achụmta vootu ya, okwu Boakai kpụ n'ọnụ bụ "Mgbapụta" dịka ọ kwuru na mba ahụ dị n'Ọdịda Anyanwụ Afrika na-akụda akụda kemgbe afọ isi Weah nọ n'ọnwa.