Enyela ndị nkiti 12 ikike imepee mahadum na Naịjirịa nke gụnyere Ned Nwoko meepere mahadum egwuregwu mbụ n'Afrịka
Ebe foto si, Ned Nwoko
N'ọgbakọ ime ụlọ nke gọọmentị etiti e mere n'Abuja bụ Federal Executive Council (FEC), gọọmentị etiti nyere ndị nkiti 12 ikike imepe mahadum ga-arụ ọrụ ruo oge ntozu n'uju ruru.
Mahadum ndị a ga-arụ ọrụ n'akụkụ Naịjirịa dị ịcheịche nke gụnyere Kano, Niger, Gombe, Sokoto, Delta, Abia, Anambra steeti nakwa n'Abuja.
Otu onye n'ime ndị nkiti enyere ikike a bụ Ned Nwoko na-anọchịte anya Aniocha North-South na Oshimili North-South n'ụlọomeiwu Naịjịrịa.
Ikike enyere ya pụrụiche dịka nke a bụ maka imepe mahadum mbụ na-ekuzi egwuregwu na Naịjirịa nakwa n'Afrịka
Mahadum akpọrọ 'Sports University of Nigeria' dị n'obodo Idumuje Ugboko nke Delta steeti.
Ebe foto si, Sreenshot
Uloikpe enyela iwu ka gọọment kenye ụmụnwaanyị oke 35 n 'ọkwa ọchịchị
Ebe foto si, AFP
Ụlọikpe Ukwu Naijiiria enyela gọọment Naijria iwu ka ha kenye ụmụnwaanyị oke 35 n'ime 100 n'ọkwa ọchịchị na Naijria.
Nke a na-abịa dịka ụmụnwaanyị meerela ngagharịiwe izu ole na ole maka nkụchapụ ụlọomeiwu kụchapụrụ akwụkwọ iwu ise maka ikike dịịrị ụmụnwaanyị..
Na mkpebi ya, Jọstis Donatus Okoronkwo kwuru na Naijria binyere aka n'iwu nyere ụmụnwaanyị oke n'ọchịchị na mba ụwa, na o kwesịrị ka gọọmentị tinye ya n'ọrụ.
A na-ele anya na Ụlọomeiwu Naijiria ga-anabata iwu atọ n'ime ise nke ụmụnwaanyị wetaburu n'ụlọiwu ọzọ n'izu a.
