New coronavirus restriction: Tupu ị palie njem lawa ala Igbo lekwa iwu coronavirus na-achị obodo gị

Dịka ndị si mpaghara Ọwụwanyanwụ na-akwado ime njem ekeresimesi n'oge coronavirus a.

Ọtụtụ gọvanọ Steetị dị iche iche gụnyere ndị Ọwụwanyanwụ etinyela ụfọdụ iwu ga-ebelata mfesasị ọrịa coronavirus dịka a na-agba ekeresimesi.

Nke a na-abịa dịka minista ahụike bụ Osagie Ehanire sị ka e mepegharịa ụlọ nnyocha, ụlọ ndopu iche nakwa ụlọ ọgwụgwọ niile.

Ọ sị na ọ dịka Naịjirịa abanyela n'agba abụọ nke coronavirus a site n'etu ọnụọgụgụ si arị elu.

Imo Steetị

Gọvanọ Imo Steetị bụ Hope Uzodinma wepụtara ozi ịdọ aka na ntị maka mfesasị ọrịa coronavirus n'oge ekeresimesi a.

Iwu ndị gụnyere:

  • Ọgbakọ ọbụla agaghị akarị mmadụ agahị otu narị ebe ndị a ga-ekpuchi ime ha.
  • Ihe e ji asa aka ga-anọ ebe niile ọha na-aga dịka ọdọahịa, ụlọụka dgz. Onye ọbụla ga-ekpuchi imi n'ọha.
  • Ndị ọrụ gọọmentị ga-anọzi n'ụlọ ha na-arụ ọrụ malite n'ụbọchị 21 Disemba, 2020.
  • Onye ọbụla dara iwu ndị a ka a ga-ekpeike n'ụlọikpe mbugharị.

Anambra Steetị

Kọmishọna mgbasaozi n'Anambra Steetị bụ Don Adenuba wepụtara ozi ịdọ aka na ntị nke gọọmentị ha.

Ọ sị ka ndị mmadụ ghara ịga mmemme ọbụla na-adịghị mkpa, ka ha ghara ọgbakọ ọtụtụ ndị mmadụ.

Skip Akachasị Gụọ and continue reading
Akachasị Gụọ

End of Akachasị Gụọ

Ka ha gbalịa na-ekpuchi ime ha n'ọha n'oge niile.

Onye ọbụla ahụ na-arịa gbaa mbọ mee nyocha ahụ.

Ebonyi Steetị

Na mgbasaozi Gọvanọ Ebonyi Steetị bụ Dave Umahi nyere n'ụbọchị 18 ọnwa Disemba, ọ sị ka ndị Ebonyi gbasoo iwu niile na-echekwa coronavirus.

Ọ sị ka ebe okpukperechi niile na-enwe ofufe naanị awa abụọ, ka e welite aka n'ime nyocha ahụ.

Machie ọgbakọ ọtụtụ ndị mmadụ, onye ọbụla ga-ekpuchi imi n'ọha.

O nyekwara iwu ka ụlọọrụ gọọmentị, ụlọụka, ụlọakwụkọ na ụlọọrụ niile dị n'Imo Steetị gbaso iwu na-achị coronavirus.

Steetị ndị dịka Abia, Enugwu, Legọs ndị ọzọ tinyekwara iwu ọhụrụ a.

Akụkọ ndị ọzọ ga-amasị gị: