New Anambra Burial Laws: Ihe 10 dara ụda n'iwu akwamozu ndị steeti a

13 Maachị 2020

Oge e ji agụ akụkọ nkeji 2

Kamgbe ụnyahụ bụ ụbọchị iri na otu nke ọnwa Maachị ka iwu ọhụrụ nke akwamozu n'Anambra steeti ji ewu n'elu soshal midia.

Ọ bụ n'afọ 2019 ka omeiwu Charles Ezeani tụpụtara ya bụ iwu, tupu ụlọ omeiwu nke Anambra steeti suo ya kpọm na 2019 kwuru na ọ bụ iji mee ka oke ọnụ akwamozu na-ada na steeti ahụ datuo kpam kpam.

Ezeani kwuru na ọ chọpụtara na akwamozu kwesiri ịbụ oge iru uju bịakwaziri bụrụ ọnọdụ oriri na nkwarị.

O kwuru na iwu a ga-eme ka ndị mmadụ ṅụọ mmiri tọgbọ iko maka nsogbu ndị obodo na-enye ha ma ha na-akwa ozu.

Lee ihe o kwuru n'uju ebe a.

Aha onyonyo, New Anambra Burial Laws: Ihe 10 dara ụda n'iwu akwamozu ndị steeti a

Lee ihe 10 gbara ọkpụrụkpụ n'ime iwu akwamozu ọhụrụ nke Anambra

A ga-enwe otu ga-eme ihe niile ịhụ na edebere ya bụ iwu ma na-akwụ ha ụgwọ. Ha ga-anọkwa ebe a na-akwa ozu.
Onye ọbụla dara iwu a ga-aga nga ọnwa isii maọbụ kwụọ ụgwọ ruru otu puku narị naira
Umuada agaghị ananwu nwaanyị ọbụla na-akwa nne ya karịa naira puku iri
Agaghị akwa ozu n'ụbọchị ndị obodo na-azụ ahịa
Naanị egbe a ga-agba n'akwamozu bụ 'Nkpọnana'
Ọ bughị iwu na ị ga-esi nri maọbụ kee mmanya ụbọchị a na-akwa onye nke gị
Ị gaghị ahapụ ozu ọbụla karịa ọnwa abụọ na motuary
Ndị nwe ozu ga-akwụ ụgwọ ha ji obodo maọbụ ụlọụka tupu eli ozu onye nke ha
ị gaghị eji n'ihi na ị na-akwa ozu gbachie ụzọ ebe ndị mmadụ si agafe belụsọ ị na-atara nkwado n'aka ndị isi okpuruọchịchị
Ị gaghị ekowe akwa na-egosi akwamozu ị na-akwado imee nanị ntuzi etu ndị mmadụ ga-esi rute ebe a na-akwa ozu

Ihe ndị mmadụ na-ekwu maka iwu a n'elu soshal midia.

@TauhidAfc kwuru na ọ ga-adị mma ka ndị mmadụ katọọ ụfọdụ ihe megidere omenala n'ime iwu a.

Skip X post

Hapụ X ihe dị na ya?

Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

Warning: Third party content may contain adverts

End of X post