Victor Ezugwu: Onye bụ dike a rụpụtara ụgbọagha MRAP mbụ na Naịjirịa?

Dike Igbo aha ya bụ Victor Okwudili Ezugwu edebaala aha ya n'akwụkwọ akụkọ Naịjirịa ruo ụwatụwa.

Ezugwu bụ onye ọchịagha n'otu ndị agha Naịjirịa.

Ọ kpaala ike di egwu tụmadị n'ọgụ Naịjirịa na-aluso ndị otu oyiegwu Boko Haram.

Mana n'ọdị nso a ka o mere ihe nyịrị dike di icheche omume.

Ezugwu rụpụtara ụgbọala e ji aga ọgụ bụ nke a kpọrọ Ezeugwu MRAP (Mine-Resistant Ambush Protected).

Ụgbọala a bụ anwụ anwụ maka na mgbọ egbe maọbụ ogbunigwe agaghị emebinwu ya.

Nke a bụ nke mbụ a na-arụpụta ya bụ ụgbọala na Naịjirịa.

N'ụbọchị Wenezdee ka onyeisiala Muhammadu Buhari meghere ya bụ ụgbọala n'ogige ebe ndị agha na-arụpụta ihe nke dị na Kaduna.

Mana onye bu Ọchịagha Victor Ezeugwu?

Victor Okwudili Ezugwu bụ onyeisi ụlọọrụ 'Defence Industries Corporation of Nigeria" (DICON).

A mụrụ ya n'afọ 1964 n'ọnwa Jun ebe ọ banyere Nigeria Defence Academy n'afọ 1985.

Lee ihe ndị ọzọ i kwesịrị ịma maka ya:

Ndị a bụ nzere ndị o ji:

N'aka ọzọ, ọ nwere mgbe o wuru na ọ bụ otu nwoke a kpọrọ Emmanuel Ezugwu rụrụ MRAP ahụ.

Mana ndịagha Naịjirịa pụtara kọwa ya nke ọma.

Akụkọ ga-amasị gị