A machiela ndị otu mmọnwụ n'Oraifite maka ogbugbu ndị uweojii

Mkpuchi Na Eme Ozugbo

Uche Akolisa

1. 5 Disemba 2019Oraifite dị chakoo n'mgbede ụnyaahụ

   Okporoụzọ adịbeghị ka ọ na adịbu n'Oraifite.

   

   

   

2. 5 Disemba 2019Oraifite amachiela ndị Ipob na ndị mmọnwụ

   Ndị Oraifite amachiela emume ndị mmọnwụ isii na ndị Ipob na be ha.

   Nke a na-abịa dịka egburu ndị uweojii abụọ n’ọgbaghara dara n’etiti ndị Ipob na ndị uweojii na be Ọkaiwu Ifeanyi Ejiofor.

   Dịka ndị Oraifite siri kọwa, ọgbaghara a pụtara dịka ndị otu mmọnwụ abụọ malitere isi okwu ebe a na-akwa ozu.

   Ọ bụ ndị Oraifite Improvement Union (OIU) kwuru nke a n’Ọka ụbọchị Wednesde.

   Ndị mmọnwụa amachiri bụ Otu-Eke, Otu-Afọ, Otu-Orie, Otu-Ube na Otu-Ayaka.

   Offor Uche bụ onyeisi OIU na Igwe Oraifite bụ Daniel Udeoji binyere aka n’ozi a.

   Ozi ha sị: “Ndi na-achị Oraifite agaghị agba nkịtị ka ndị omekome nara anyị obodo anyị ma mebie aha anyị,

   “Ihe mere n’ụbọchị abụọ nke ọnwa Dicemba abụghị usoro njirimara Oraifite.”

   

3. 5 Disemba 2019Unu asaala chi?

   Anyi ka na-etinyekwe anya n'ihe mere na Oraifite.

   Ka taa na-aga, anyị ga na-ewetere unu ihe ọhụru pụtara na ya bụ okwu.

4. 4 Disemba 2019Na mbụ ...

   Na mbido, ndị uweojii kwuru na ha nwetara mkpesa megidere Ọkaiwu Ifeanyị Ejiofor, kpọọ ya oku, ọ zaghị ha, ha gaa n'ụlọ mana ndị Ipob luso ha ọgụ, gbuo mmadụ abụọ ndị otu ha.

   Ha gara n'ihu rịọ onye ọbụla hụụ Ejiofor ka ọ gbara ha ama.

   

   Ebe foto si, Ifeanyị Ejiofor- Facebook/NPF

   Mana Ipob gọrọ si na onweghị ozi ọkaiwu ha natara, kama na ndị uweojii wakporo ụlọ Ejiofor, sunye ya ọkụ gbagbuo ọtụtụ mmadụ nkiti enweghị ngwa ọgụ ha ji suo ụgbọala na ozu ndị ahụ ọkụ iji mee ka a ghara inwe ihe aka ebe.

   Lee akụkọ ihe merela kemgbe ahụ: https://www.bbc.com/igbo/afirika-50631291

5. 4 Disemba 2019'Ihe mere na m ewetaghị ihe onyonyo ihe mere n'ụlọ ọkaiwu Ipob'

   Onye ntaakụkọ BBC igbo gara ebe ihe mere bụ Ebere Ekeopara kwuru na obodo bụ igwe n'ebe Ifeanyị Ejiofor oge o ruru nso ebe ha nke mere ka ọgbaa ọsọ ndụ.

   Gee ihe okwuru n'ọnụ ya:

6. 4 Disemba 2019Gọọmenti Anambara ekwughị pim

   Dịka o merela abalị atọ ọgbaaghara dapụtara n’etiti ndị uweojii na ndị otu IPOB n’Oraifite, Gọọmentị Anambra Steeti ekwubeghị pịm.

   Otu onye welitere isi na gọọmentị Anambra gwara BBC na ha ka na-eche ka ndị uweojii, ndị ọgbakọ Obodo na Igwe ndị Oraifite kọwaara ha ihe merenu nke ọma tupu ha ekwuo ihe ọbụla maka ọdachi ahụ tarala isi mmadụ.

   

   Ebe foto si, Willie Obiano/Twitter

7. 4 Disemba 2019Ọ bụ ọgụ dara n'etịtị ndị otu mmọnwụ butere ụka- Ndị ndu Ọraifite

   

   Ebe foto si, iStock

   Ndị ndu obodo Ọraifite ekwuola na ọ bụ nghọtahie dị n'etiti otu mmọnwụ butere ọgbaghara dapụtara n'Oraifite n'ụbọchị Monde.

   Cheta na ndị mmadụ gụnyere ndị uweojii abụọ nwụrụ dịka ndị Ipob na ndị uweojii kwatara oge ndị uweojii wakporo ụlọ ọkaiwu otu Ipob bụ Ifeanyị Ejiofor maka ebubo imaja na ịtọrọ mmadu.

   Skip X post

   Hapụ X ihe dị na ya?

   Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.

   Nabata na gaa n’ihu

   Warning: BBC amaghị maka ihe ndị si n'ọbaozi ndị ọzọ.

   End of X post

   Mana ndị ndu obodo ahụ gụnyere Sunny Igboanuzue bụ President-General Oraifite Improvement Union, odeakwụkwọ ya bụ Offor Uche, na eze obodo ha bụ Igwe Daniel Udeoji kwuru na ọ bụ ndị mmọnwụ mere ede jiri bee nwịị.

   N'akwụkwọ ozi ha wepụtara dịka ha na ndị ntaakụkọ nwere mkparịtaụka n'Ọka ụbọchị Wenezde, ha katọọ ọ ogbugbu e gburu ndị uwe ojii ma kwuo na ha agaghị agba nkịtị ndị omekeome a na-akpa ike n'ala ha.

   Ha gara n'ihu machie otu mmọnwụ isii maka ibute ọgbaghara n'obodo ahụ.

   Otu mmọnwụ ihe ndị megidere bụ; Otu-Afor, Otu-wo, Otu-Orie and Out-Ube, Otu Ayaka na mmọnwụ ọbụla na-agba n'abalị.

8. 4 Disemba 2019Ihe onye ntaakụkọ anyị ji anya ya hụ

   Kemgbe Monde ka Oraifite na-enwu ọkụ dịka ndị uweojii na ndị Ipob kwadara oge ndị uweojii wakporo ụlọ ọkaiwu otu Ipob.

   Lee ihe onye ntaakụkọ BBC hụrụ n'obodo ahụ ka ọ gara ya ụbọchị Wenezde:

   Play video, "Ipob-Police clash: Oraifite nọ n'ụjọ", Duration 0,40

   00:40

   

9. 4 Disemba 2019Ụkwụ apụọla ndị Oraifite ọsọ

   

   Oke n'ọsọ ngwere n'ụzọ n'Obodo Oraifite , Anambara steeti dịka ọgbaghara dara n'etiti ndị uweojii na ndị otu Ipob na-aga n'ihu taa bụ Wenezde.

   Onye ntaakụkọ anyị gara ebe ahụ kọwara na ọ bụ naani ụmụ nwaanyị nọzị n'ụzọ nakwa n'ahịa Nkwọ Oraifite azụ ahịa n'ihi egwu na ndị uwe ojii ga-abịa bọrọ ọbọ maka ndị otu ha nwụrụ anwụ.

   Ka ọ dị ụgbua, ebe niile n'Oraifite juru oyi.

   Mgbe BBC rutere n' ụlọ Igwe Oraifite bụ Daniel Udoji, o nweghị onye anyị hụrụ n'ụlọ ya.

   Mbọ niile anyị gbara la anyị gaa n'ụlọ Ifeanyi Ejiofor ebe ya bụ mkpa mkpa nọrọ kpaa amịtaghị mkpụrụ n'ihi na Obodo ka nọ na katakata.

   

10. 4 Disemba 2019Ndewoo ndị be anyị!

    Nke onye chiri ya zere!

    Sonyere anyị maka iwetara ụnụ nke na ebe kemgbe nsogbu dapụtara n'etiti ndị uweojii na Ndị Ipob n'Oraifite,Anambara steeti