Maiduguri university attacks: 'A nụrụ m ụda egbe na ogbunigwe' - Nwata akwụkwọ

Otu nwata akwụkwọ Mahadum Maiduguri ekwuola na ya na ndị otu ya nụrụ ụda egbe na ogbunigwe n'abali ụbọchị 15 Sepụtemba.

Nwata akwụkwọ ahụ na-achọghị ka a kpọpụta aha ya gwara BBC Igbo na ụda ahụ mere ka ụmụakwụkwọ ndị ọzọ gbaharịwa na-achọ ebe nchekwa.

Ọ bụ eziokwu na o nwebeghị otu pụtara sị na ọ bụ ha mere ya bụ mkpa mkpa mana ụmụakwụkwọ Mahadum UNIMAID na-ekwusi ike na ha na-eche na ọ bụ ndị otu Boko Haram kpawarala mkpa mkpa kamgbe na steeti ahụ.

Mbọ anyị gbara inwete ọnụ na-ekwuru ndị uweojii na Maiduguri bụ Abdulmaleek AbdulHafeez kpụrụ n'ala makana ọ zaghị ekwenti ya.

Ndị agha Naịjirịa apụtabeghị kwuo ihe ọbụla.

A matabeghị ma onwere onye nwụrụ na ya bụ mwakpo ka ọ dị ugbua.

Akụkọ na-ekwu na ndị nchekwa agbala mahadum ahụ okirikiri ebe Gọvanọ steeti ahụ bụ Babagana Zulum a gaala ileta ụmụakwụkwọ nọ na Mahadum ahụ ma meda ha obi.

Anyị ka ga-akpọghachị ndị uweojii ma wetere unu ihe ọbụla ha gwara anyị gbasara akụkọ a.

Ihe nkiri ị ga-achọ ikiri

Akụkọ ndị ga-amasị gị