Enugu Murder: Aka akparala nwoke gburu ma lie enyi ya nwoke n'ọhịa
Akụkọ dị mkpa taata
Ndị Uweojii Enugwu Steeti anwụchiela onye ọrụ ubi a sị na o gburu enya ya nwoke o ji ụgwọ ma lie ozu ya n'ime ọhịa.
Nwoke a aha ya bụ Samson gburu enyi ya nwoke aha ya bụ Friday mgbe ọ gara ịgba ya ụgwọ uru ha ritere n'ahịa ha zụkọrọ.
Dịka Ebere Amarizu, ọnụ na-ekwuru ndị uweojii n'Enugwu Steeti siri kwuo, Samson na Friday na onye ọzọ aha ya bụ Paul tụkọtara ego wee zụta mkpụrụ 'Cucumber' ha ga-akọ.
Ma mgbe oge owuwe ihe ubi ruru, Friday amaghị mgbe Samson ji gaa ghọrọ 'Cucumber' ndị ahụ ree.
Mana Friday gakwuru Samson n'ubi ka ọ gbaa ya ụgwọ oke ego ya, Samson wee gbuo ya ma lie n'ime ọhịa.
El-Zakzaky e feliela
Ebe foto si, IMN
Onyeisi otu ndị 'Islamic Movement in Nigeria' bụ Ibrahim El-Zakzaky na nwunye ya ahapụla Naịjiria taa bụ Monde gawa India ịga leta ahụike ha.
Gọọmentị tọhapụrụ Elzakzaky bụ onye e ji kamgbe 2015 iji rube isi na mkpebi nke ụlọikpe dị na Kaduna nyere n'abalị ise nke ọnwa Ọgọst.
E liela ndị nnyocha sayensị mba Russia lara mmụọ
Mba Russia etunyela mmadụ ise bụ ndị ọkacha mara na nnyocha sayensị ugo 'Dike obodo ji aga mba' dịka ha tufuru ndụ ha mgbe ha na-eme nnyocha gbasara igwe ọkụ 'nuclear'.
Mmadụ ise ndị ahụ lara mmụọ oge akụrụngwa ha ji eme nnyocha gbara n'abalị asatọ nke ọnwa a.
E mere olili ndị ọkacha mara ahụ n'obodo Sarov taa bụ Monde
Sam Okwaraji
Ebe foto si, VON
Ọ bụ ụbọchị Monde a mere ya afọ iri atọ Sam Okwaraji dara wee laa mmụọ n'ama egwuregwu Naịjirịa di na Legọs dịka ndi ọtu egwu bọolu Naijirịa zutere mba Angola.
Okwarajị dị afọ iri abụọ na ise mgbe ọ lakwuru chi ya na Legos.
Nigeria vs Ukraine
Ebe foto si, Getty Images
Ndị otu egwu bọọlụ Super Eagles ga-ebido nkwado maka iko mba Afrịka nke afọ 2021 mgbe ha na ndị mba Ukraine ga-ezute n'asọmpi enyi na enyi.
Onyeisi egwuregwu bọọlụ na Naijiria bụ Amaju Pinnick kwuru na asọmpi a ga-adị n'obodo Kiev n'abalị iri nke ọnwa September afọ a.
Gee nkeji BBC ebe a:
Ihe nkiri
Serena Williams
Ebe foto si, Getty Images
Olilanya Serena Williams ịnwụchịto iko Gram Slam nke iri abụọ na anọ ya ka bụkwa ugwu nyịrị ya ịrị.
Williams ji akwa wụsa ọwa ka azụ mgbụ ekweghị ya mgbe ya na Bianca Andreescu zutere n'asọmpi nke ikpeazu nke Rogers cup n'ụbọchị Sọnde.
Serena Williams meriri Marie Bouzkova nke mere ka otozuo izọ asọmpị nke ikpeazụ Rogers Club.
Williams, onye gbara afọ iri atọ na asaa n'afọ a, enwetabeghị ntụrụugọ kemgbe o si ezumike imụnwa laghachị n'afọ 2018.
Dịka o si dị, ọ gwara ndị na-akwadọ ya sị "Afọ a siri anyị ike kama olileanya dị".
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
Ihe mberede okporo ụzọ eriela isi mmadụ iri abụọ n'Bauchi Steeti
Ebe foto si, Lasema
Ọkụ si n'ihe mberede okporo ụzọ taala isi mmadụ iri abụọ na anụmanụ iri asatọ n'Bauchi Steeti.
Ọnụ na ekwuru ndị uweojii na steeti ahụ bụ Kamal Abubakar kwuru na ihe a mere dịka ụgbọala J5 bụ ewu na ụgbọala bu mmadụ kwakọrọ isi n'uzọ si pokistum gawa obodo Sade.
Abubakair kwuru na nke a mere n'elekere itoolu na ọkara nke abalị n'ụbọchị Satọde.
Akwa arịrị na Mba Tanzania
Akwa arịrị na-ada na Tanzania ka ha lichara ọtụtu n'ime mmadụ iri asaa na otu ọkụ mmanụ ụgbọala gbagbụrụ n'ụbọchị Satọde.
Mmadụ iri ise na ịtoolu merụrụ ahụ na meberede ahụ mere dịka ha na-ekụrụ mmanụ ebe gwomgworo mmanu daara.
Onyeisiala Tanzania bụ John Magufuli ehiewela ụbọchị ato dịka ụbọchị iruuju ma rịọ ndị mmadụ ka ha zeere gwomgworo bu mmanu ụgbọala mgbe ọbụla ọ daara.
