Olisa Metu's claims over N400m: Jonathan atụpụghị ọnụ
Ebe foto si, Getty Images
Aka chịburu Naịjirịa bụ Goodluck Jonathan ajụla ịtụpụ ọnụ n' okwu Olisa Metu kwuru na ọ bụ ya nyere ya nde naira 400 a na ebo ya na o zuru.
Olisa Metu bụ onye rụbụrụ ọrụ dịka odeakwụkwọ mgbasa ozi nke ndị 'Peoples Democratic Party'.
Ebe foto si, Channels
Olisa Metu kwuru na ọ bụ mgbe ya na Goodluck Jonathan nwere mkparịtaụka ka o nyere ya ego ahụ.
O kwukwara na ya bụ ego bụ maka iru ọrụ maka oganiru nke Naịjirịa.
Mgbe BBC kpọrọ Ikechukwu Eze onye bụ ọnụ na-ekwuchitere Jonathan, o kwuru na o nweghị ihe ha nwere ikwu n'ihi na okwu a ka nọ n'ụloikpe.
Chetakwa na Gọọmentị na-ekwu na ọ bụ Sambo Dasuki (rtd) nyere Olisa Metu ya bụ egọ, mana Olisa Metu kwuru na ebubo ahu abughị eziokwu.
