Imo State Election 2019: Uche Nwosu ka so n'ihe a na-eme - FCC Jones

7 Maachị 2019

Ọnụ na-ekwuchitere Pati Action Alliance bụ Onwuasoanya FCC Jones akatọla akụkọ na-ekwu na Uche Nwosu esoghizi azọ oche gọvanọ na ntuliaka n'Imo steeti.

Ọ katọkwara okwu na-ekwu na gọvanọ Rochas Okorocha na-echegharị maka ịkwado pati AA na ntuliaka na-abịanụ.

Ọ bụghị eziokwu na Action Alliance akwụghị Uche Nwosu n'azụ - Obidiche
Akụkọ dị mkpa taa: Nwosu ga-bụrịrị gọvanọ - Okorocha

Jones kwuru na okwu niile a bụ ụgha ma na-ekwukwa na Okorocha ka kwụsị ike na-azụ Uche Nwosu nakwa ndị niile na-azọ oche ụlọomeiwu nke steeti n'okpuru pati Action Alliance.

Ọ rịọkwara ka akụkọ ụgha a ghara ime ndị ụmụ Imo gbajọọ itunyere pati AA na ntuliaka nke ọkwa gọvanọ nakwa ụlọomeiwu nke steeti.