First baby: Kedụ onye bụ nwa mbụ a mụrụ n'Alaigbo n'afọ 2019?

Nwa mbụ n'Ebonyi steeti — Nkọwa foto, Nwa mbụ amụrụ n'ala Igbo na Rachel Umahi

1 Jenụwarị 2019

Mgbe ikpeazụ e tinyere ya ozi ọhụrụ 2 Jenụwarị 2019

Na steeti ụfọdụ, ọ bụrụla omenala ịmata nwa mbụ a mụrụ n'afọ ọkachasị n'ụlọọgwụ ndị gọọmenti.

Nke a bụ emume nke nwaanyị mbụ bụ nwunye gọvanọ na steeti ụfọdụ ndị a.

Otu a ka o si gaa na steeti ndị ụfọdụ n'Alaigbo.

N'Ebonyi steeti

Nwa mbụ amụrụ n'Alaigbo ụnyahụ bụ ụbọchị mbụ n'afọ ọhụrụ bụ amụrụ n'ezinaụlọ Nwojiji Akata nke OtereUvie dị na Ishieke dị na okpuru ọchịchị Ebonyi n'Ebonyi steeti.

Amụrụ nwa a ka elekere iri an abụọ nke abalị kụrụ kpọm kwem na Mile 4 Mission Hospital Abakaliki, Ebonyi steeti.

Nwa ohuru a bụ nwaanyị dara 4.1kg nke pụtara na-orijuru afọ n'afọ nne ya. Nwunye gọọvanọ bụ Rachel Umehị gakwara lete ya na ụmụaka ndị ọzọ.

N'Anambara steeti,

Nwa mbụ a mụrụ n'afọ 2019 bụ Kamsi Eselu, onye a mụrụ oge o ji nkeji iri abụọ na anọ gafee elekere iri na abụọ (12:24 am) nke ụtụtụ Tuzde.

Skip Akachasị Gụọ and continue reading

Akachasị Gụọ

End of Akachasị Gụọ

A mụrụ Kamsi na Chukwuemeka Odumegwu Ojukwu Teaching Hospital dị n'Ọka, Anambara steeti.

Kamsi na nne ya — Nkọwa foto, Kamsi bụ diọkpara n'ezinaụlọ Eselu, bụ nwa mbụ nne ya bụ Obiageli na nna ya na-amụ.

Na Delta steeti,

Nwa mbụ a mụrụ na steeti ahụ bụ nwa a mụrụ n'ezinaụlọ Martin Dibia mgbe ọ kụrụ (1:20 am), ya bụ mgbe o ji nkeji iri abụọ gafee elekere mbụ nke isiụtụtụ na Federal Medical Centre Asaba.

Odeakwụkwọ ukwu gọvanọ bụ Charles Aniagu sị na nwunye gọvanọ steeti ahụ bụ Dem Edith Okowa agaala leta ya bụ nwa nwaanyị nke nne ya bụ Ifeoma Martin Debie, ndị Issele-Asagba, Aniocha n'okpuru ọchịchị Aniocha-South nke Delta Steeti.