Minimum Wage: Buhari ga-eleba anya n'ịkwụ N30,000
Ebe foto si, Getty Images
Gọomentị Naịjirịa ekwuola na ha ga-elebanye anya n'ihe gbasara N30,000 bụ ego NLC chọrọ dịka ụgwọ ọnwa opekatampe.
Onyeisiala Muhammadu Buhari kwuputere nke a na nzukọ ya na otu akpọrọ "tripartrite committee" n'asụsụ Bekee nwere n'Abuja taa bụ Nọvemba 6, 2018.
Buhari kwuru na ọ ga-ezigara Ụlọomeiwu Naịjirịa akwụkwọ gbasara mkpebi a.
Ọnụ na-ekwuchitere ya n'ihe gbasara mgbasa ozi ọgbara ọhụrụ bụ Bashir Ahmed, tinyere ihe nkiri si na nzukọ ha n'elu Twitter ya.
Edemede a nwere ihe ndị si na X. Anyị na-achọ ka i nye anyị ikike tupu e tinye ihe ọbụla, dịka akụrụngwa cookies na tekịnụzụ ndị ọzọ nwereike ịdị na ya. I nwereike ịgụ X iwu cookie na iwu nzuzo tupu ị nabata ya. Iji kirie ihe nọ n'ime ya, họrọ 'nabata na gaa n'ihu'.
End of X post
N'aka ọzọ, ọnụ na-ekwuchitere ya n'ihe gbasara mgbasa ozi bụ Garba Shehu, zipuru ozi ihe Buhari kwuru na nzukọ a.
Gụọ ha ebe a:
N'akụkọ ọzọ,
Ndị ụlọomeiwu ukwu enyela ngalaba ha na-ahụ maka ndị uweojii, iwu ka ha mee nyocha gbasara mwakpo a wakporo ụlọ osote onyeisi ha bụ Ike Ekweremadu.
Ebe foto si, Uche Anichukwu
Cheta na a nwụchiri otu nwoke bu egbe banye n'ime ọnụụlọ Ekweremadu, n'ụtụtụ ụbọchị Nọvemba 6, 2018.
Gụọ ya n'uju ebe a: Ekweremadu: Ụlọomeiwu chọrọ ime nyocha
Abụbọ-ọrụ ASUU
Ọkammụta Ogunyemi bụ onyeisi ngalaba na-ahụ maka ọdịnma ndị nkuzi na mahadum bụ ASUU, kwuru na ụfọdụ nkwa gọọmentị kwere otu ha na-emezughi emezu n'afọ 2009, so n'ihe ha na-ana gọomentị ruo ugbua.
Ọ gwara BBC Igbo na ndị ASUU mahadum ruru iri isii bịara nzukọ ha mere, ebe ha kwekọrịtara na ha ga-esonye n'abụbọ-ọrụ a ma hụ isi ya.
Na mba ofesi,
Amerịka emeela ntuliaka 'mid-term' ha ga-eji họpụta ndị ụlọomeiwu ukwu, nke nta na gọvanọ steeti iri atọ na isii.
Ebe foto si, AFP
Otu nwaafọ Igbo bụ Nnamdi Chukwuocha so na ndị na-azọ ọkwa ọchịchị, ebe ọ na-ele anya ịnọchite anya ndị obodo Delaware.
Gụọ akụkọ a n'uju ebe a: Nnamdi Chukwuocha: Nwaafọ Igbo na-azọ ọchịchị n'Amerịka
N'egwuregwu Champions League,
Barcelona na Inter Milan ga-ama onye ike ga-agwụ mgbe ha zutere n'Itali,
Ebe PSG na Napoli, Tottenham na PSV Eindhoven, Atletico Madrid na Borussia Dortmund nakwa Liverpool na Red Star Belgrade ga-akụkọtakwa mpi.
Gere akụkọ BBC n'otu nkeji ebe a:
Ihe nkiri:
