Buhari: A ga-agbaghara ndị Boko Haram chegharịrịnụ

24 Maachị 2018

Onyeisiala Buhari kwere nkwa na a ga-agbaghara ndị otu Boko Haram kwenyere ịhapụ ngwaọgụ ha ma chọọ udo.

Buhari kwuru nke a mgbe ọ na anabata ụmụaka ụmụakwụkwọ Dapchi agbapụtara n'aka ndị Boko Haram na Aso Rọk, Abụja n' ụbọchị Fraide.

"Dịka anyị na-agba mbọ ịgbapụta ndị ala anyị ndị Boko Haram ji eji, gọọmenti dị nkwadebe ịnabata onye otu Boko Haram ọbụla hapụrụ ngwaọgụ ya, hazigharịa ndụ ya ma nabatakwa ya n'etiti ndị mmadụ."

"Ahụhụ ala anyị tarala n'ihi ọgbaghara dị iche iche ezuola. Gọọmenti na-arịọ ka onye ọbụla hara udo.

O kwuru na gọọment mezuru nkwa o kwere ndị a tọrọ ụmụ ha na Dapchi, Yobe steeti site na iso ndị Boko Haram nwee mkparịtaụta nke mere ka ha gbarapụ ụmụaka ha ji.

'Ekwere m nkwa na gọọment ga-eme ihe niile iji gbapụta ụmụaka ahụ a tọrọ ma nyekwa ndị ọrụ nchekwa iwu ime ihe niile iji kpọlata ụmụaka ahụ n'udo. Anyị sị ụzọ azụ ụlọ mee ya. Anyị nwere mkparịtaụka nke mịtara mkpụrụ."

Afọ 2018

Ụbọchị iri na itoolu nke Febrụwarị
Ndị e chere na ha bụ Bọko Haram wakporo ụlọakwụkwọ ụmụnwaanyi dị na Dapchi,Yobe steeti na mpaghara ọwụwaanyawụ ugwu-awụsa, Naịjiria.
Gụọ ya n'uju ebe a
Ụbọchị iri na itoolu nke Februwari
Gọọmenti Naijiria kwuru na ụmụaka ụmụnwaanyi otu nari na iri(110) na-efu
Gụọ ya n'uju ebe a
Ụbọchị iri abụọ na otu nke Febrụwarị
Gọọmenti Yobe steeti kwuru na azọpụtala ụmụaka ụmụnwaanyị n'aka ndị oyi ndụ egwu tọrọ ha, ma kwukwa na ha na ndị agha nọzị.
Gụọ ya n'uju ebe a
Ụbọchị iri abụọ na abụọ nke Febrụwarị
Gọọmentị Yobe steeti rịọrọ mgbaghara sị na ha duhiere ọha mmadụ sị na 'onweghị nwata azọpụtara'.
Gụọ ya n'uju ebe a
Ụbọchị iri abụọ na atọ nke Febrụwari
Onyeisiala bụ Buhari kwuru na mwakpo ụmụakwụkwọ Dapchi bụ 'ọdachi mere ala anyị nile'
Ụbọchị ịrị abụọ na ise nke Febrụwarị
Ndị agha ụgbọelu Naịjirịa kwuru na ha zipuru ụgbọelu na ndị agha ha ị ga chọọ ma gbapụta ụmụaka ahụ.
Ụbọchị iri abụọ na isii nke Febrụwarị
Ndị agha Naijiria gọọnarịrị ebubo Gọvanọ Yobe steeti bụ Ibrahim Gaidam boro na ha kpọpụrụ ndị agha n'obodo Dapchi tupu a tọrọ ụmụaka ahụ.Ndị agha kwetara na kpọpụrụ ndị otu ha maka na 'echekwara obodo ahụ'
Gụọ ya n'uju ebe a
Ụbọchị iri abụọ na asaa nke Febrụwarị
Gọọmenti etiti hiwere kọmiti mmadụ iri na abụọ iji nyocha ọnọdụ ejiri ntọrọ ma wepụta ozi zuru oke gbasara 110 na-efu.
Gụọ ya n'uju ebe a
Ụbọchị iri abụọ na asatọ nke Febrụwarị
Odeakwụkwọ UN bụ Antonio Guterres "katọrọ ebe ọ dị ukwu mwakp na ntọrọ ahụ".
Gụọ ya n'uju ebe a
Ụbọchị abụọ nke ọnwa Maachị
Akụkọ kwuru na onye na-alụ ọgụ maka ikike dịrị onye bụ Aisha Wakil, nke a ma dịka ‘Mama Boko Haram' kwuru na otu Boko Haram nke Barnawi gwara ya na ha ji ụmụaka ahụ.
Gụọ ya n'uju ebe a
Ụbọchị abụọ nke ọnwa Maachị
Ụmụnwaanyị mere mgagharịiwe maka ntọrọ ahụ n'Abụja ka ọ gachara izuụka atọ.
Gụọ ya n'uju ebe a
Ụbọchị iri na abụọ nke ọnwa Maachị
Onyeisiala bụ Muhammadu Buhari kwuru na a na-akwado inwe mkparitaụka maka mgbapụta ụmụaka ahụ a tọrọ. kama ji ike ndị agha tọpụta ha.
Gụọ ya n'uju ebe a
Ụbọchị iri na anọ nke ọnwa Maachị
Onyeisiala bụ Muhammadu Buhari mere njem ya nke mbụ na Dapchi, bụ ebe o kwere ndị nne na nna ụmụakwụkwọ ahụ nkwa na gọọmenti ga-azọpụta ụmụaka ahụ a tọrọ.
Gụọ ya n'uju ebe a
Ụbọchị iri abụọ nke ọnwa Maachị
Otu Amnesty International kwuru na ndị agha Naịjirịa e geghị ntị n'ama a gbara ha otụtụ oge tupu ndị oyi ndụ egwu a awakpo obodo Dapchi.
Gụọ ya n'uju ebe a
Ụbọchị iri abụọ na otu nke ọnwa Maachị
Gọọmentị Naịjịria mara ọkwa na-atọhapụla ụmụakwụkwọ ụmụnwaanyị dị otu nari na anọ(104) n'ime otu nari na iri(110) bụ ndị a tọrọ
Gụọ ya n'uju ebe a