Ihe dị iche na kalenda ndị Igbo na nke Bekee
E nwere ụbọchị ahịa anọ n'ala Igbo.
Ha bụ Eke, Orie, Afọ na Nkwọ.
Ahịa ndị a ka ndi Igbo na-eji agu afọ nke a na-akpọ 'Igbo calendar' na Bekee.
Ọtụtụ obodo nwere ụzọ ha na-esi agụ ụbọchị, izuụka, ọnwa na afọ nke ha, mana nke ndị mmadụ kacha mara bụ nke ndị Bekee kpọrọ 'gregorian calendar'.
Kedụ ka kalenda ndị Igbo sị dị iche na nke ndị Bekee?
Iji afọ 2020 maa atụ
Afọ 2020 nke Bekee nwere ọnwa iri na abụọ (12).
Nke Igbo nwere iri na atọ (13).
A bịa n'ụbọchị ole dị n'otu ọnwa, nke ndị Bekee dị iri atọ (30) ebe nke ndị Igbo dị iri abụọ na asatọ (28).
Ihe ndị Igbo na-akpọ ọnwa niile dị afọ nakwa ihe ndị Bekee na-akpọ ha
Ebe foto si, Odumobi
Ka anyị nwale kalenda nke Gregorian na ọnwa ya na nke Igbo dịka Odumegwu Obudigwe bụ onye ọkachamara n'omenala bụkwara onye nchịkọta omenala na njem elete n'Aguleri, Anambra steeti.
January/ February- Ọnwa ntufu
March - Ọnwa etufucha agunye nge
April- Ọnwa nge
May- Ọnwa abụọ
June- Ọnwa atọ
July- Ọnwa anọ
August- Ọnwa ise
September - Ọnwa isii
October - Ọnwa asaa
November - Ọnwa asatọ
December - Ọnwa ụma mara afọ
- Ọnwa ntufu (ọnwa nke ịkpaazụ)
Ụbọchị izuụka Bekee na nke Igbo
Dịka ndị Bekee na-eme ọnụ ọgụgụ izuụka ha site n'ụbọchị ụka (Sunday) rue n'ụbọchị ezumike (Saturday), ndị Igbo na-eji ụbọchị ahịa eme ọnụ ọgụgụ nke ha.
Ha na-ebido n'ahịa Eke rue na Nkwọ.
E nwere ụbọchị anọ (4) n'otu izu mana nke Bekee nwere ụbọchị asaa (7).
Izuụka ole ka ndị Igbo nwere?
Dkt Nnabuihe nke Mahadum Legọs kọwara na izuụka asaa bụ otu ọnwa n'ọgụgọ afọ Igbo mana izu anọ bụ otu ọnwa na nke ndị Bekee.
Etu kalendar Igbo na nke Gregorịan siri yie onwe ha.
