El Clasico: Tun bayan da Ronaldo ya bar Spaniya, Messi bai ci Real ba

Karanta rubutu kawai domin rage cin data

- Marubuci, Mohammed Abdu
- Sanya sunan wanda ya rubuta labari, BBC Hausa
25 Oktoba 2020

Ranar Asabar Real Madrid ta doke Barcelona a Camp Nou da ci 3-1 a gasar La Liga, kuma Messi bai ci kwallo a wasa takwas a El Clasico ba.

Ansu Fati ne ya ci wa Barcelona kwallo a karawar da ta sha kashi a gida a wasan na La Liga na hamayya tsakanin manyan kungiyiyoyin kwallon kafar Spaniya.

Rabon da Messi ya ci Real a karawar ta El Clasico tun 2-2 da suka tashi a Camp Nou, karawar mako na 36 a gasar La Liga kakar 2017-18.

Hakan na nufin Messi bai zura kwallo a ragar Real Madrid ba tun bayan da Cristiano Ronaldo ya koma Juventus.

A karawaer ta El Clasico Messi na kan gaba a cin kwallaye da 26, wanda ya ci 18 a La Liga da shida a Super Cup da kuma biyu a gasar Zakarun Turai.

Kafin Cristiano ya bar Spaniya shi ne ke mataki na uku a cin kwallaye a wasan na hamayya da 18 a raga, mai guda tara a La Liga da biyar a Copa del Rey da kuma hudu da ya ci a Super Cup.

A kakar bana, kwallo daya kacal Messi ya ci wa Barcelona a gasar La Liga, shi ne wasan farko da ta fara kakar bana da Villareal.

Tun daga nan bai zura kwallo a raga ba ko kuma bayar wa a ci a wasa hudu da ya buga, ya taba yin irin wannan rashin kokarin a kakar 2014.

Skip Wanda aka fi karantawa and continue reading

Wanda aka fi karantawa

End of Wanda aka fi karantawa

Tun kan fara kakar bana, Messi ya bukaci barin Barcelona domin gwada kwazonsa a wata kungiyar, inda wasu rahotanni ke cewar Manchester City ta yi shirin sayen dan kwallon.

Barcelona ta kasa lashe kofi a bara, bayan da take ta daya a kan teburin La Liga, Real Madrid ta karbe gurbin, bayan jinyar cutar korona ta lashe kofin gasar ta Spaniya ta bara.

An sa rana Barcelona za ta sa karfi a Gasar Zakarun Turai ta Champions League, sai Bayern Munich ta dura marta 8-2 a Agustan bara, daga nan abubuwa suka kara balbalcewa kungiyar ta Camp Nou.

Haka kuma Messi ya ci wa tawagar kwallon kafa ta Argentina kwallo daya a wasa biyu a bana shi ne da Ecuador cikin watan Oktoba a wasan neman gurbin shiga Gasar cin kofin duniya da za a yi a 2020.

Wasa biyar nan gaba da Barcelona za ta fafata:

Laraba 28 ga Oktoba Champions League