Premier League: 'Yan wasan da ke kan gaba a bayar da kwallo a zura a raga

Ranar 17 ga watan Oktoba za a ci gaba da wasannin mako na biyar a gasar cin kofin Premier League ta 2020-21.

Kawo yanzu an buga wasa 38 an kuma ci kwallo 144, bayan kammala wasannin mako na biyar.

Kuma kawo yanzu Dominic Calvert-Lewin da kuma Son Heung-min su ne kan gaba wajen cin kwallaye a raga inda kowanne ke da shida-shida a raga.

Gasar ta Premier League ta bana na samun armashin cin kwallaye da dama, sai dai kuma masu bayar da kwallon da ake zura wa a raga su ne ke taka rawar gani a wasannin.

Duk da cewar wasa huɗu aka kara a kakar bana kawo yanzu, Harry Kane na Tottenham shi ne kan gaba da kwallo shida da ya bayar aka zura a raga a gasar shekarar nan.

Kuma ya yi namijin ƙoƙari a bana duk da cewar guda bakwai ya bayar da aka ci a kakar 2016-17, saboda haka yanzu aka fara lissafi.

Ko da yake ana ta buga wasannin bana ba 'yan kallo don gudun yaɗa cutar korona.

Tun cikin watan Maris aka dakatar da wasanni daga baya aka ci gaba ba 'yan kallo da ta kai aka ƙarƙare kakar bara wacce Liverpool ta lashe kofin kuma na farko tun bayan shekara 30.

A kakar da ta wuce Kevin De Bruyne shi ne kan gaba a bayar da kwallo a zura a raga da 20 a kakar 2019/20, inda ya yi kan-kan-kan da Thierry Henry wanda ya fara bajintar a kakar Premier League.

Wasan da aka zazzaga kwallaye a Premier League ta bana a gida shi ne wanda Aston Villa ta doke Liverpool mai rike da kofi da ci 7-2 a wasan da suka fafata ranar 4 ga watan Oktoba.

A kuma ranar ce Tottenham ta je Old Trafford ta doke Manchester United da ci 6-1, kuma shi ne wanda wata kungiya ta je waje ta ci kwallaye da dama a bana.

'Yan wasan da ke kan gaba wajen bayar da kwallo a zura a raga a 2020/21

Wadanda ke kan gaba a cin kwallaye a gasar Premier ta bana:

Wasannin mako na biyar:

Ranar 17 ga watan Oktoban 2020

Ranar 18 ga watan Oktoban 2020

Ranar 19 ga watan Oktoban 2020