Kana amfani da shafin BBC mai bayyana rubutu kawai (babu hoto) domin rage cin data. Idan ana so a ga hotuna da bidiyo sai a koma babban shafinmu.
Real Madrid: Wasa 15 a jere ba a doke ta ba a La Liga tun bayan cutar korona
A wannan lokacin gasar kasashen duniya na hutu bayan da hukumar kwallon kafa ta duniya, Fifa, ta amince a buga gasa ko wasannin sada zumunta tsakanin tawagogin kwallon kafa a fadin duniya.
Hakan ne ya sa zamu yi duba na tsanaki kan kwazon Real Madrid wacce ba ta sayi dan kwallo ko daya ba a bana duk da cinikayyar da aka gudanar, inda aka rufe kasuwar saye da sayar da 'yan kwallo ranar 5 ga watan Oktoba.
Tuni dai Real Madrid ta yi wasa 15 a jere a gasar La Liga ba a doke ta ba, tun bayan jinyar cutar korona, kuma kawo yanzu ta ci wasa 13 da canjaras biyu jumulla.
Tun bayan da Real Madrid ta yi rashin nasara da ci 2-1 a gidan Real Betis ranar 8 ga watan Maris 2020, sai da kungiyar ta lashe wasa 10 a jere a La Liga daga lokacin.
Kuma a wasan na 10 a jere ta lashe kofin La Liga na bara, bayan da ta doke Villareal 2-1 ranar 16 ga watan Yuli ta kuma lashe kofin gasar na 34 jumulla.
Sannan ta buga canjaras a wasan karshe a kakar da aka karkare ta bara a gidan Leganes da ci 2-2.
Kakar bana kuwa ta 2020-21, Real ta fara da canjaras a gidan Sociedad, sai kuma ta lashe dukkan karawa uku da ta yi wato da Betis da Valladolid da kuma Levante..
Cikin wasan La Liga 15 a jere da ba a doke Real ba, masu tsaron bayanta sun taka rawar gani, inda mai tsaron raga Thibaut Coutois bai bar kwallo ta shiga ragarsa ba a wasa tara daga ciki.
Yayin da Madrid ta ci kwallo 27 a lokacin, Karim Benzema ne ya ci bakwai shi kuwa kyaftin Sergio Ramos yana da bakwai.
Real Madrid za ta kara da Cadiz ranar 17 ga watan Oktoba a gida a wasa na shida da za ta fafata a gasar La Liga ta shekarar nan, kuma Real Madrid tana ta daya a kan teburin bana.
Jerin wasannin da ba a yi nasara a kan Real ba a La Liga a 2019-20:
Ranar 8 ga Maris 2020
- Real Betis2 - 1Real Madrid
Ranar 14 ga Yunin 2020
- Real Madrid3 - 1Eibar
Ranar 18 ga Yunin 2020
- Real Madrid3 - 0Valencia
Ranar 21 ga watan Yunin 2020
- Sociedad1 - 2Real Madrid
Ranar 24 ga watan Yunin 2020
- Real Madrid2 - 0Mallorca
Ranar 28 ga watan Yunin 2020
- Espanyol 0 - 1Real Madrid
Ranar 2 ga watan Yulin 2020
- Real Madrid1 - 0Getafe
Ranar 5 ga watan Yulin 2020
- Ath Bilbao0 - 1Real Madrid
Ranar 10 ga watan Yulin 2020
- Real Madrid2 - 0Alaves
Ranar 13 ga watan Yulin 2020
- Granada1 - 2Real Madrid
Ranar 15 ga watan Yulin 2020
- Real Madrid2 - 1Villarreal
Ranar 19 ga watan Yulin 2020
- Leganes2 - 2Real Madrid
Kakar La Liga ta 2020-21
Ranar 20 ga watan Satumbar 2020
- Sociedad0 - 0Real Madrid
Ranar 26 ga watan Satumbar 2020
- Real Betis2 - 3Real Madrid
Ranar 30 ga watan Satumbar 2020
- Real Madrid1 - 0Valladolid
Ranar 4 ga watan Oktoban 2020
- Levante0 - 2Real Madrid
