Man Utd 1-6 Tottenham: Tottenham ta ragargaji Man United

Tsohon koci, Jose Mourinho ya je ya caskara Manchester United da ci 6-1 a wasan da ya jagoranci Tottenham zuwa Old Trafford a gasar Premier League ranar Lahadi.

Son Heung-min da Harry Kane kowanne ya ci bibiyu, yayin da Tanguy Ndombele da kuma Serge Aurier kowanne ya ci guda-guda, a karawar da United ta kammala da 'yan wasa 10 a cikin fili.

Hakan na nufin ba wannan ne karon farko da aka ci United kwallo da yawa tun karbar aikin rikon kwarya da Ole Gunnar Solskjaer ya fara a Disambar 2018 ba, wannan shi ne kashin da kungiyar ta sha tun lokacin da babban jami'i mataimakin shugaba, Ed Woodward ya karbi aiki a 2013.

Da wannan sakamakon United ta koma ta 16 a kasan teburin Premier League na bana,

Tun fara wasan Tottenham ce ta mamaye karawar, ita ce kan gaba wajen rike kwallo tun kan a bai wa Anthony Martial jan kati, sakamakon yi wa Erik Lamela gula kan ramuwar marinsa a fuska da ya yi.

Tottenham ta koma ta biyar a kan teburin Premier League na bana, wacce ta buga wasa biyar cikin kwana 11 a gasa uku da ta fafatawa a shekarar nan, kuma ta yi nasara hudu da canjaras daya.

Manchester United za ta buga wasan gaba na Premier League a gidan Newcastle a St James' Park ranar 17 ga Oktoba.

Ita kuwa Tottenham tana da karawar hamayya ta birnin Landan da West Ham United a gida, kuma kwana daya tsakanin karawa da United za ta yi.

Skip Wanda aka fi karantawa and continue reading
Wanda aka fi karantawa

End of Wanda aka fi karantawa

Tarihi mafi muni da ya faru kan United dangane da wasan

  • Manchester United ta sha kashi a Premier League da kwallaye da yawa - da rashin nasara da kwallo biyar a karo na hudu a gasar kuma a karon farko tun cikin watan Oktoban 2011 da Manchester City.
  • Tottenham ita ce ta farko da ta ziyarci United ta ci kwallo hudu tun kan hutu a Premier League tun bayan da ita ce dai ta yi nasara da ci 4-3 a Nuwambar 1957 da ta fara wannan bajintar.
  • United ta yi rashin nasara a wasa biyu a jere da ta buga a gida a bana kuma karo na biyar kenan a tarihin kungiyar na baya bayan nan shi ne kakar 1986/87 da aka doke ta karawa biyu a Old Trafford.
  • Kocin Tottenham, José Mourinho ya yi kan-kan-kan da cin kwallo biyar a waje a Premier League a karon farko tun bayan bajintar da ya yi a Chelsea da ya doke Swansea City 5-0 a Janairun 2015.
  • Manchester United ta karbi kwallo shida a raga a wasa daya a Premier League karo na uku kenan kuma kowanne a cikin watan Oktoba na farko a 1996 da Southampton, sai a 2011 da Man City,
  • Wannan ne karon farko a Premier League da aka zura kwallo uku a raga a minti bakwai da take wasa tun bayan Burnley da Man City a Afirilun 2010,
  • Dan kwallon Tottenham, Son Heung-Min da Harry Kane sune na farko da suka je Old Trafford suke da hannu a cin kwallo uku-uku a Premier League tun bayan Edin Dzeko a Oktoban 2011.
  • Bruno Fernandes ya ci dukkan fenariti 10 da ya buga wa Manchester United a dukkan wasanni, wannan karon shi ne dai ya ci da wuri a Premier League (01:37) tun bayan ta Sergio Agüero da ya ci Newcastle a Fabrairun 2015 (01:12).