An takawa Barca burki bayan lashe wasa 43 a gida a jere

Barcelona ta yi rashin nasara a gida a karon farko a La Liga, bayan cin karawa 43 a jere a gasar, inda Osasuna ta doke ta da ci 2-1 a Camp Nou ranar Alhamis.

Koda Barcelona ta yi nasara a kan Osasuna, ba zai hana Real Madrid lashe kofin La Liga da ta yi ba, bayan da ta doke Villareal da ci 2-1.

Jose Arnaiz ne ya fara ci wa Osasuna kwallo, kafin daga baya Lionel Messi ya farke a bugun tazara kuma na 23 da ya zura a raga a La Liga, shi ne kan gaba.

Real Madrid ta lashe La Liga na bana kuma na 34 Jumulla

'Da kyar idan 'yan kallo za su ci gaba da zuwa sitadiya a Spaniya'

Osasuna ta karasa karawar da 'yan kwallo 10 a cikin fili, bayan da aka bai Enric Gallego jan kati,

Roberto Torres ne ya ci wa Osasuna kwallo na biyu a karin lokaci, bayan da Kike Barja ya buga masa kwallo ta je wajensa.

Rabonda Barca ta yi rashin nasara a gida tun Nuwambar 2018, bayan da Real Betis ta doke ta da ci 4-3.

Sakamakon wasannin mako na 37 a gasar La Liga ranar Alhamis.

Wadanda ke kan gaba a cin kwallaye a gasar bana:

Wasannin mako na 38 da za a buga ranar 19 ga watan Yuli:

Jerin kungiyoyin da suka lashe La Liga:

Kofin da Barca ta fatan dauka a bana shi ne na Champions League.

Barca za ta karbi bakuncin Napoli a karawar kungiyoyi 16 da suka rage a gasar ranar 8 ga watan Agusta.

A wasan farko sun tashi kunnen doki 1-1 a Italiya.