An kashe mutane fiye da 30 a Borno

Karanta rubutu kawai domin rage cin data
Gwamnan jihar Borno, Kashim Shettima
Bayanan hoto, Gwamnan jihar Borno, Kashim Shettima

Rahotanni daga garuruwa hudu na jihar Borno sun ce mutane fiye da talatin sun mutu a hare-hare da ake zarin 'yan Boko Haram sun kai.

Haka kuma bayanai sun nuna cewar an kona gidaje tare da jikkata wasu mutane da dama.

Lamarin ya auku ne a garuruwan Krenuwa da Moforo da Kimba da kuma Kubribu.

Harin na zuwa ne a daidai lokacin da 'yan Boko Haram ke tsananta hare-hare a wasu kauyukan jihar Borno.

Sannan kuma ga 'yan mata dalibai fiye da 200 da aka sace a Chibok da ke jihar Borno.

Kungiyar Boko Haram ta kashe dubban mutane musamman a jihohin Borno da Yobe da kuma Abuja babban birnin kasar.