City ta ƙara nuna ɓarakar Real Madrid, Arsenal ta ci gaba da jan zarenta

Ihun da aka yi wa tsohon mai horas da ƙungiyar Barcelona, Pep Guardiola a lokacin da ya shiga filin wasa na Bernabéu ya rikide zuwa sowar murna a lokacin da Manchester City ta shiga gaban Real Madrid, kuma a ƙarshe ta lakada wa mai masaukin bakin kashi a karawar da suka yi ta gasar Champions League a ranar Laraba.

Wannan rashin nasara da Real Madrid ta yi a gida ya ƙara ɗora ayar tambaya kan makomar koci Xabi Alonso a ƙungiyar.

Real din ta sha kashi ne da ci 1-2 a hannun City, wasan da ya kasance mafi jan hankali a ranar Laraba, was ana shida a matakin rukuni a gasar zakarun Turai ta Champions League a kakar 2025-26.

A ɗaya was an da aka yi ta muhawara kafin buga shi, Arsenal ta bi Club Brugge har gida ta sharara mata ƙwallo 3, inda aka tashi 0-3.

Ɗan wasa Noni Madueke ne ya shana a wasan, inda ya zura ƙwallo biyu kafin daga ƙarshe kyaftin Gabriel Martinelli ya cike ta uku da ƙayatacciyar ƙwallon da ya zura.

Arsenal ce ƙungiya daya tilo da har yanzu ba a doke ta ba a gasar ta wannan kaka.

Club Brugge 0-3 Arsenal

Wasa ɗaya Club Brugge ta yi nasara daga fafatawa 18 a gasar zakarun Turai da ta fuskanci ƙungiyoyin Ingila, aka doke ta 15 da canjaras uku.

Yanzu ƙungiyar ta Belgium an doke ta wasa uku daga 19 a gasar ta zakarun Turai a gida da lashe 12 da canjaras biyar.

Arsenal ba ta yi rashin nasara ba a fafatawa tara da ƙungiyoyin Belgium a gasar zakarun Turai daga ciki ta lashe bakwai da canjaras biyu.

A bana Gunners ce kaɗai ta lashe dukkan wasa shida da fara kakar nan - Gasar zakarun Turai da ta fara da cin wasa biyar a jere ita ce a 2005/06, wadda ta kare a kwata fainal.

Real Madrid 1-2 Manchester City

Yanzu haka Real Madrid da Manchester City sun kara da juna sau 15 a babbar gasar tamaula ta zakarun Turai, inda Real Madrid ta yi nasara biyar, City ta ci biyar da canjaras biyar.

Sun fuskanci juna a kowacce kaka huɗu baya a Champions League.

A bara ne Real Madrid ta fitar da City a zagayen cike gurbi da suka yi 3-2 a wasan farko a Manchester da cin 3-1 a Sifaniya.

Real Madrid ta yi nasara 14 daga wasa 14 a Champions League zagayen cikin rukuni a gida da rashin nasara ɗaya.

Sakamakon wasannin da aka buga ranar Laraba: