Abinda ya kamata ku sani kan Euro 2024 da za a fara Juma'a

Za a fara gasar cin kofin nahiyar Turai ranar Juma'a gasa ta 17 da ake kira Euro 2024 da Jamus za ta karbi bakunci.

Ana kuma sa ran buga wasan karshe ranar 14 ga watan Yuni, kuma duk wadda ta yi nasara za ta buga wasan karshe da duk wadda za ta lashe Copa America na bana.

Sunan kofin shi ne 2025 CONMEBOL–UEFA Cup of Champions da aka kulla yarjejeniya tsakanin nahiyar Turai da ta Kudancin Amurka .

Za a kara a Euro 2024 tsakanin tawaga 24, inda Georgia ce kadai da za ta fara buga gasar nahiyar Turai a karon farko a tarihi.

Italiya ce mai rike da kofin Euro 2020, bayan da ta doke Ingila a wasan karshe a bugun fenariti a Wembley.

Yadda aka zabi Jamus a matakin mai masaukin baki:

Ranar 8 ga watan Maris din 2017 aka sanar da cewar Jamus da Turkiya na zawarcin gudanar da Euro 2024 - bayan da wa'adin da aka gindaya ga masu takara ya cika ranar 3 ga watan Maris din 2017

Ranar 27 ga watan Satumba a birnin Nyon a Switzerland aka tabbatar da Jamus ce za ta shirya wasannin Euro 2024.

Filayen da za a buga wasannin:

Jamus tana da filaye da dama wadanda suka kai darajar da Uefa ta gindaya cewar daga karamain filin da zai dauki 'yan kallo 30,000 zuwa sama da samar da tsaro da wuraren kwana da hanyaoyi da dai sauransu.

Cikin fili 10 da za a buga Euro 2024, an yi amfani da tara a gasar cin kofin duniya a 2006 da suka hada da Berlin da Dortmund da Munich da Cologne da Stuttgart da Hamburg da Leipzig da Frankfurt da kuma Gelsenkirchen.

Fili na 10 kuwa shi ne Dusseldorf, wanda ba a yi gasar kofin duniya a 2006 ba, amma ya karbi bakuncin gasar kofin duniya a 1974 da kuma Euro 1988.

Sauran filayen da ba a dauka ba a Jamus don buga Euro 2024 ciki sun hada da na Hanover da Nuremberg da Kaiserslautern da kuma na Bremen har da na Borussia Mönchengladbach.

Tikitin kallon wasannin:

Hukumar kwallon kafa ta Turai tana sayar da tikitin kallon wasannin kai tsaye a shafinta na yanar gizo, sannan ta bai wa hukumar kwallon kafar tawaggogin da za su kara a gasar tikitin da za a sayar ga magoya baya.

Tun daga ranar 3 ga watan Oktoban 2023 aka fara sayar da tikiti, yayin da aka ware 10,000 ga magoya bayan tawagogi don kallon wasannin cikin rukuni da kuma tikiti 6,000 ga magoya bayan tawagogi a zagaye na biyu.

Haka kuma Uefa ta tanadi 7,000 ga magoya bayan tawagogi don kallon daf da karshe da kuma tikiti 10,000 ga magoya bayan da za su kalli buga wasan karshe.

An samu bukatar neman sayen tikiti miliyan 50 daga kasashe 206, Bayan Jamus da suka bukaci tikiti da yawa, an samu magoya bayan Turkiya da Hungary da Ingila da Albania da kuma Croatia da suka bukaci tikiti da yawa.

Farashi kan kama daga matsakaici Yuro 30 duk kujerar da za zauna bayan raga a karawar cikin rukuni da kuma Yuro,1,000 a wajen zaman kallon wasan karshe.

Tawagogin da za su buga Euro 2024:

Cikin tawagar 24 da za ta buga wasannin da za a fara a Jamus daga ranar Juma'a 14 ga watan Yuni, guda 19 daga cikin sun kara a fafatawar Euro 2020.

Daga cikinsu har da da mai rike da kofin Italiya da wadda ta yi ta biyu Ingila da Faransa da Croatia da kuma Portugal .

Wadanda suka samu gurbin shiga gasar bana ba tare da rashin nasara ba, sun hada da Faransa da Ingila da Belgium da Hungary da kuma Romania.

Albania da kuma Romania sun samu damar shiga gasar bana, bayan da suka kasa halartar ta Euro 2020.

Wannan shi ne karon farko da Serbia da kuma Slovenia za su buga gasar cin kofin nahiyar Turai tun bayan Euro 2000.

Manya a Turai da ba su samu damar shiga gasar bana ba sun hada da Sweden da Rasha da Wales.

Wannan shi ne karon farko da Sweden ba za ta buga gasar ba tun bayan Euro 1996 kuma karo biyu a jere da ta kasa kai bantenta a babbar gasar tamaula ta duniya, bayan gasar cin kofin duniya a Qatar a 2022

An hana Rasha shiga wasannin Euro 2024, sakamakon hare-haren yaki da take ta kai wa Ukraine.

Kasar Yugoslavia ce ta farko da aka hana shiga gasar cin kofin nahiyar Turai a tarihi a 1992.

'Yan wasan kowacce tawaga:

An kara yawan 'yan wasan da kowacce tawaga za ta je da su Euro 2024 daga 23 sun koma 26.

Tawaga za ta iya mika sunan 'yan wasa daga 23 mafi karanci da kuma 26 mafi yawa, bayan da aka ajiye wa'adin mika sunaye zuwa 7 ga watan Yuni.

Alkala wasan Euro 2024:

Cikin watan Afirilun 2024 aka sanar da rafli 19 da za su busa wasannin 51 a gasar har da wani daga Argentina daga cikin tsarin da aka kulla yarjejeniya tsakanin hukumar kwallon kafa ta Turai da ta Kudancin Amurka.

Haka kuma an sanar da nada rafli 12 da za su taimaka wajen gudanar da aiki da mutum 20 da za su kula da na'urar da ke taimakawa alkalin wasa yanke hukunci wato VAR.

Latsa nan domin karanta 'yan wasan kowacce tawaga

Lastsa nan domin bibiyar jadawali da sakamakon wasanni

Wasannin cikin rukuni - Tun ranar 10 ga watan Mayu UEFA ta sanar da ranar da za ta raba jadawalin gasar Euro 2024.

An kuma gudanar da bikin jadawalin ranar 2 ga watan Disamba.

Rukunin farko

Wasannin da za a buga a rukunin fako:

14 June 2024 Germany da Scotland

Fußball Arena München, Munich

15 June 2024 Hungary da Switzerland

Cologne Stadium, Cologne

19 June 2024 Germany da Hungary

Stuttgart Arena, Stuttgart

19 June 2024 Scotland da Switzerland

Cologne Stadium, Cologne

23 June 2024 Switzerland da Germany

Frankfurt Arena, Frankfurt

23 June 2024 Scotland da Hungary

Stuttgart Arena, Stuttgart

Rukuni na biyu

Wasannin da za a buga a rukuni na biyu:

15 June 2024 Spain da Croatia

Olympiastadion, Berlin

15 June 2024 Italy da Albania

BVB Stadion Dortmund, Dortmund

19 June 2024 Croatia da Albania

Volksparkstadion, Hamburg

20 June 2024 Spain da Italy

Arena AufSchalke, Gelsenkirchen

24 June 2024 Albania da Spain

Düsseldorf Arena, Düsseldorf

24 June 2024 Croatia da Italy

Leipzig Stadium, Leipzig

'Yan Barcelona hudu ne a tawagar Sifaniya a Euro 2024

Rukuni na uku

Wasannin da za a buga a rukuni na uku:

16 June 2024 Slovenia da Denmark

Stuttgart Arena, Stuttgart

16 June 2024 Serbia da England

Arena AufSchalke, Gelsenkirchen

20 June 2024 Slovenia da Serbia

Fußball Arena München, Munich

20 June 2024 Denmark da England

Frankfurt Arena, Frankfurt

25 June 2024. England da Slovenia

Cologne Stadium, Cologne

25 June 2024 Denmark da Serbia

Fußball Arena München, Munich

Rukuni na hudu

Wasannin da za a buga a rukuni na hudu:

16 June 2024 Poland da Netherlands

Volksparkstadion, Hamburg

17 June 2024 Austria da France

Düsseldorf Arena, Düsseldorf

21 June 2024 Poland da Austria

Olympiastadion, Berlin

21 June 2024 Netherlands da France

Leipzig Stadium, Leipzig

25 June 2024 Netherlands da Austria

Olympiastadion, Berlin

25 June 2024 France da Poland

BVB Stadion Dortmund, Dortmund

Rukuni na biyar

Wasannin da za a buga a rukuni na biyar:

17 June 2024 Romania da Ukraine

Fußball Arena München, Munich

17 June 2024 Belgium da Slovakia

Frankfurt Arena, Frankfurt

21 June 2024 Slovakia da Ukraine

Düsseldorf Arena, Düsseldorf

22 June 2024 Belgium da Romania

Cologne Stadium, Cologne

26 June 2024 Slovakia da Romania

Frankfurt Arena, Frankfurt

26 June 2024 Ukraine da Belgium

Stuttgart Arena, Stuttgart

Rukuni na shida

Wasannin da za a buga a rukuni na shida:

18 June 2024 Turkey da Georgia

BVB Stadion Dortmund, Dortmund

18 June 2024 Portugal da Czech Republic

Leipzig Stadium, Leipzig

22 June 2024 Georgia da Czech Republic

Volksparkstadion, Hamburg

22 June 2024 Turkey da Portugal

BVB Stadion Dortmund, Dortmund

26 June 2024 Georgia da Portugal

Arena AufSchalke, Gelsenkirchen

26 June 2024 Czech Republic da Turkey

Volksparkstadion, Hamburg