PSG ta ajiye Dembele a wasan da za ta fuskanci Arsenal a Emirates

Karanta rubutu kawai domin rage cin data

1 Oktoba 2024

Lokacin karatu: Minti 1

Paris St Germain ta ajiye Ousmane Dembele a Champions League da za ta kara da Arsenal a Emirates ranar Talata.

Ɗan wasan tawagar Faransa ya ci ƙwallo huɗu a wasa shida a Ligue 1 a PSG a bana, ya buga wasan da suka ci Girona 1-0 a Champions League.

Wasu rahotannin na cewar ɗan wasan mai shekara 27 ya nuna fushinsa ga koci, Luis Enrigue, bayan da aka sauya shi a wasan da PSG ta doke Rennes 3-1 ranar Juma'a.

''Duk wanda ba zai yadda da abinda aka yi ba ko ba zai martaba abinda ake bukata daga wajensa ba, kenan bai shirya buga mana tamaula ba,'' in ji Enrigue.

''Ina son dukkan ƴan wasa na su kasance kan ganiya, saboda haka na ɗauki matakin ajiye shi, ya zama ladabtarwa, wannan yana daga cikin aiki na, domin samun nasarori.''

''Irin wannan matakin yana da wuya, amma ya zama wajibi, kuma na amince da ɗaukar wannan hukuncin, domin shi ne ci gaban PSG.''

Dembele tsohon ɗan wasan barcelona shi ne fitatce a PSG, wanda ya maye rawar da Kylian Mbappe ke takawa a ƙungiyar, wanda ya koma Real Madrid a bana.

Wasa da aka buga tsakanin Arsenal da PSG:

Skip Wanda aka fi karantawa and continue reading

Wanda aka fi karantawa