ISWOTY : ઇન્ડિયન સ્પૉર્ટ્સવુમનની સફળતાનો વિકિપીડિયામાં ઉમેરો

બીબીસીએ ભારતનાં 50 મહિલા રમતવીરોની માહિતી વિકિપીડિયામાં છ ભારતીય ભાષામાં ઉમેરવા માટે વિદ્યાર્થીઓની મદદ લીધી છે. સંબંધિત માહિતી વિકિપીડિયા પર નહિવત્ હતી કાં તો કોઈ ઉલ્લેખ મળતો જ નહોતો.

આ એવાં મહિલા ખેલાડીઓ છે, જેમણે આંતરરાષ્ટ્રીય પદકો મેળવ્યાં છે. રાષ્ટ્રીય વિક્રમો તોડ્યા છે અને ટૉક્યો ઑલિમ્પિક્સ માટે ક્વૉલિફિકેશન પણ હાંસલ કર્યું છે. એમ છતાં પણ વિકિપીડિયામાં તેમના વિશે ઘણી ઓછી અથવા તો બિલુકલ માહિતી નહોતી.

બીબીસીએ મહિનાઓનાં સંશોધન અને રૂબરૂ મુલાકાતો થકી 50 મહિલા રમતવીરોની અંગત પ્રોફાઇલ અને વ્યાવસાયિક સફરની માહિતી એકઠી કરીને વિકિપીડિયામાં ઉમેરી છે.

લોકપ્રિય વેબપૉર્ટલ વિકિપીડિયાનો ઉપયોગ લોકો માહિતી મેળવવા કરતા હોય છે. એમ છતાં બીબીસીના ધ્યાને આવ્યું કે સંબંધિત મોટાં ભાગનાં ખેલાડીઓની માહિતી અહીં કોઈ પણ ભારતીય ભાષામાં ઉપલબ્ધ નથી.

દેશની 12 સંસ્થાના સહયોગ થકી પત્રકારત્વના લગભગ 300થી વધુ વિદ્યાર્થીઓએ વિકિપીડિયાને અપડેટ કરીને તેમાં 50 ભારતીય મહિલા રમતવીરોની માહિતી હિંદી, પંજાબી, ગુજરાતી, મરાઠી, તેલુગુ, તમિળ અને અંગ્રેજી ઉમેરી છે. અહીં તેની એક ઝલક અપાઈ છે.

50 મહિલા રમતવીરો કેવી રીતે પસંદ કરવામાં આવ્યાં?

બીબીસીએ આ 50 ભારતીય મહિલા રમતવીરોની પસંદગી પ્રતિષ્ઠિત જ્યૂરીની મદદથી કરી, જેમાં ભારતના ખેલ પત્રકારો, કૉમેન્ટેટરો અને લેખકોની મદદ લીધી છે. તેમણે 2019 અને 2020માં જે-તે રમતવીરોએ કરેલા પ્રદર્શનને આધારે તેમની ભલામણો રજૂ કરી. આ 50 મહિલા રમતવીરોનાં નામ અંગ્રેજી કક્કાવારી (બારાક્ષરી) મુજબ ગોઠવવામાં આવ્યાં છે.

તમે અમનેફેસબુક, ઇન્સ્ટાગ્રામ, યૂટ્યૂબ અને ટ્વિટર પર ફોલો કરી શકો છો