Coronavirus: Umukino wa Manchester City na Real Madrid muri Champions League wasubitswe

Inyandiko gusa
Uwo mukino wari uteganyijwe kubera ku kibuga Etihad cya Manchester City

Ahavuye isanamu, Getty Images

Insiguro y'isanamu, Uwo mukino wari uteganyijwe kubera ku kibuga Etihad cya Manchester City

Umukino wo kwishyura wa kimwe cy'umunani cy'irushanwa rya Champions League wari kuzahuza Manchester City na Real Madrid wari uteganyijwe kuba ku wa kabiri w'icyumweru gitaha, ku itariki ya 17 y'uku kwezi kwa gatatu, umaze gusubikwa.

Icyo cyemezo, cyemejwe n'impuzamashyirahamwe y'umupira w'amaguru ku mugabane w'Uburayi (UEFA), gifashwe nyuma yaho abakinnyi ba Real Madrid bagiye mu kato kubera icyorezo cya coronavirus.

Umukino wo kwishyura nawo wa kimwe cy'umunani wari kuzahuza Juventus na Lyon wari kuzaba kuri iyo tariki, nawo wasubitswe.

Abakinnyi b'ikipe ya Juventus bazamara ibyumweru bibiri mu kato nyuma yaho myugariro Daniele Rugani bamusanzemo coronavirus.

Umukino wa City muri shampiyona y'Ubwongereza ya Premier League wari kuyihuza na Arsenal ku wa gatatu w'iki cyumweru, warasubitswe nk'ingamba yo kwirinda.

Mu mukino ubanza wabereye ku kibuga Santiago Bernabeu cya Real Madrid ku itariki ya 26 y'ukwezi gushize kwa kabiri, Manchester City yatsinze Real 2 - 1, mu gihe Juventus yo yatsindiwe mu Bufaransa na Lyon igitego 1 - 0.