Jose Mourinho avuga ko Chiellini na Bonucci ba Juventus bakwigisha ubwugarizi kuri Kaminuza ya Harvard

Inyandiko gusa
Umutoza Mourinho (iburyo) yitaza ngo atavaho abangamira umukinnyi Federico Bernardeschi wa Juventus wagerageza kugarura umupira utararenga

Ahavuye isanamu, Getty Images

Insiguro y'isanamu, Umutoza Mourinho (iburyo) yitaza ngo atavaho abangamira umukinnyi Federico Bernardeschi wa Juventus wagerageza kugarura umupira utararenga

Manchester United yaba yahawe isomo ry'uburyo ubundi ikipe ikwiye kugarira ubwo yakinaga na Juventus ku kibuga Old Trafford cya Manchetser United?

Umutoza Jose Mourinho we ni ko abibona, nyuma yaho ikipe ye itsindiwe igitego 1-0 na Juventus mu mukino wa Champions League waraye ubaye ku wa kabiri.

Mourinho yagize ati:

"Leonardo Bonucci na Giorgio Chiellini [abakinnyi ba Juventus] bashobora no kujya kuri Kaminuza ya Harvard [kaminuza ikomeye yo muri Amerika] bakajya bigisha uburyo umukinnyi myugariro akwiye gukina."

"Ubuhanga mu mupira w'amaguru buri hose. Iyo mvuze ubuhanga, ntabwo mba mvuze gusa abakinnyi batekereza vuba bagahita bamenya icyo gukora gikwiye - Chiellini na Bonucci, kubareba bakina byizihiye amaso ."

Leonardo Bonucci na Giorgio Chiellini bereka Nemanja Matic na Paul Pogba uburyo bwo kugarira

Ahavuye isanamu, Getty Images

Insiguro y'isanamu, Leonardo Bonucci na Giorgio Chiellini bereka Nemanja Matic na Paul Pogba uburyo bwo kugarira

Nonese koko Chiellini na Bonucci bari babaye abarimu ba kaminuza bigishaga abakinnyi ba Manchester United bari bahindutse abanyeshuri?

Dore icyo imibare ijyanye n'uwo mukino igaragaza:

  • Aba bakinnyi babiri ba Juventus Mourinho avuga, ni ba myugariro babiri bafite igiteranyo cy'imyaka y'amavuko 65 (Chiellini w'imyaka 34 y'amavuko na Bonucci w'imyaka 31 y'amavuko).
  • Barushwa imyaka ibiri gusa n'abakinnyi batatu b'imbere ba Manchester United bose ubashyize hamwe ( Marcus Rashford w'imyaka 20 y'amavuko, Romelu Lukaku w'imyaka 25 y'amavuko na Anthony Martial w'imyaka 22 y'amavuko).
  • Abo bakinnyi batatu b'imbere ba Manchester United bashoboye gutera ishoti imwe gusa mu izamu mu mukino wose.
  • Manchester United yagerageje gutera mu izamu amashoti 6 gusa - amashoti macye iteye mu mukino wabereye iwayo wa Champions League kuva mu kwezi kwa kane mu mwaka wa 2014 ubwo yakinaga na Bayern Munich nabwo ikagerageza gutera amashoti nkayo mu izamu.
  • Mu bihe byose Chiellini yabaga agundanira umupira n'umukinnyi wa Manchester United, byarangiraga Chiellini ari we wegukanye umupira - akaba ari we wageze ku kigero cya 100% muri ubwo buryo mu bakinnyi bose bari mu kibuga.